ក្រសួងសុខាភិបាលអំពាវនាវ ឲ្យពលរដ្ឋការពារសុខភាព អំឡុងរដូវរងា
ភ្នំពេញ៖ ក្រសួងសុខាភិបាល បានធ្វើការអំពាវនាវ តាមរយៈសេចក្ដីប្រកាសព័ត៌មានមួយ របស់ខ្លួនក្នុងសប្ដាហ៏នេះ ដោយឲ្យពលរដ្ឋកម្ពុជា ការពារសុខភាព អំឡុងរដូវរងា ចាប់ពីខែ ធ្នូ ដល់ ខែ មករា ឆ្នាំ២០១៤ ។
សេចក្ដីប្រកាស ដែលចុះកាលបរិច្ឆេទ កាលពីថ្ងៃទី ៤ ធ្នូ ហើយត្រូវបានគេផ្សព្វផ្សាយជាសាធារណៈ ដល់ប្រព័ន្ធផ្សព្វផ្សាយព័ត៌មានកាលពីម្សិលមិញនោះ បានលើកឡើងថា នៅក្នុងអំឡុងរដូវរងារនេះ ជម្ងឺដែលគេតែងជួបប្រទះញឹកញាប់គឺ ជម្ងឺផ្លូវដង្ហើម ដែលបង្កពីវីរុស គ្រុនផ្ដាសាយ រលាកបំពង់ក មេរោគស្រ្តិបតូកូក និងរលាកក្រពះពោះវៀនជាដើម ។
សេចក្ដីប្រកាសនោះ បានបញ្ជាក់ថា ការថែរក្សាអនាម័យខ្លួនប្រាណ ដូចជាស្វែងរក សេវាសុខភាព សាធារណៈ ពេលមានអាការមិនស្រួល ការលាងសម្អាតដៃ និងសាប៊ូ ។ ចំណែកកុមារ និងមនុស្សពេញវ័យ ត្រូវស្លៀកពាក់ ឲ្យបានច្រើនជាន់ ដើម្បីរក្សាកំដៅក្នុងរាងកាយ។
ជាចុងក្រោយសេចក្តីប្រកាសព័ត៌មាន បានបញ្ជាក់ដែរថា ទារក និង មនុស្សចាស់ មានហានិភ័យខ្ពស់ ទាក់ទងនឹងជម្ងឺ ដែលទាមទារ អោយមានការ យកចិត្តទុកដាក់ និង ថែរក្សា ផ្តល់សម្លៀកបំពាក់ អោយបានកក់ក្តៅ ជាពិសេស មនុស្សវ័យចំណាស់ ដែលមានកម្តៅរាងកាយតិច ងាយធ្វើអោយសីតុណ្ហភាព រាងកាយ ថយចុះជាងធម្មតា ដែលអាចបណ្តាលអោយស្លាប់បាន៕ យុវវ័យថ្មី
