អាជ្ញាធរវៀតណាមចាប់ខ្លួនជនអូស្រ្តាលីពីរនាក់ដែលនាំគ្រឿងញៀនចូលប្រទេសវៀតណាម
អាជ្ញាធរមានសមត្ថកិច្ចនៅប្រទេសវៀតណាម ចាប់បានជនជាតិអូស្រ្តាលីពីរនាក់ពីបទជួញដូរគ្រឿងញៀន។
បើតាម ការផ្សាយព័ត៌មានរដ្ឋរបស់វៀតណាម ជនជាតិអូស្រ្តាលីពីរនាក់បាននាំចូលម្សៅហេរ៉ូអ៊ីនទម្ងន់ ៣គីឡូ ក្រាមកន្លះតាមច្រកអាកាសយានដ្ឋានក្រុង ហូជីមិញ។ ជនជាប់ចោទដែលគេមិនទាន់ឲ្យដឹងឈ្មោះនិងភេទនោះ មានម្នាក់អាយុ ២៤ឆ្នាំ និងម្នាក់ទៀត៣១ឆ្នាំ។
តាមច្បាប់របស់ប្រទេសវៀតណាម ការនាំចូលគ្រឿងញៀនហាមឃាត់ដែលមានទម្ងន់លើសពី៦០០ក្រាម ជនល្មើសប្រឈមមុខនឹងការកាត់ទោសប្រហារជីវិត។
អ្នកនាំពាក្យ របស់ក្រសួងការបរទេសអូស្រ្តាលីបានបញ្ជាក់អំពីការចាប់ខ្លួននេះ ហើយថាខ្លួនកំពុងតែធ្វើការយ៉ាងជិតស្និទ្ធជាមួយអាជ្ញាធរវៀតណាម៕ (Radio Australia)