ប៉ូលិសថៃត្រៀមចូលចាប់ខ្លួនចៅអធិការនៅវត្តល្បីមួយ
សារព័ត៌មាន Cambodia News/
ថៃ (១៦ មិថុនា ២០១៦) ៖ ប៉ូលិស ថៃកំពុងត្រៀមសំរុកចូលវត្តព្រះពុទ្ធមួយនៅខាងជើងក្រុងបាងកកនៅ ថ្ងៃព្រហស្បត៍ទី១៦មិថុនានេះ និងចាប់ឃាត់ខ្លួនចៅអធិការវត្តដ៏មានឥទ្ធិពលមួយអង្គ នេះបើតាមការអះអាងរបស់ក្រុមការងារមួយរបស់ក្រសួងយុត្តិធម៌ថៃ។
វត្តដ៏មានទ្រព្យធននិងឥទ្ធិពលដាម៉ាកាយ៉ា(Dhammakaya)នេះជាប្រភព នៃភាពតានតឹងខាងសាសនា និងចៅអធិការវត្តព្រះជន្ម៧២វស្សា នាម ព្រះ ដាម៉ាចាយ៉ូ(Phra Dhammachayo)កំពុងរងការចោទប្រកាន់សមគំនិតក្នុងការលាងលុយកខ្វក់ដោយសារ តែព្រះអង្គទទួលយកលុយដែលត្រូវបានគេលួចចេញពីសហភាពឥណទានមួយ។
ការ ឆ្មក់ចូលនៅថ្ងៃ១៦មិថុនានេះជាដំណើរវិវត្តន៍ចុងក្រោយបំផុត នៅក្នុងភាពប្រទាញប្រទង់គ្នាមួយរវាងពួកអ្នកស៊ើបអង្កេតនិងក្រុម ព្រះពុទ្ធសាសនាបន្ទាប់ពីព្រះដាម៉ាចាយ៉ូមិនបានបង្ហាញខ្លួននៅ ស្ថានីយប៉ូលិសដើម្បីទទួលស្តាប់ការចោទប្រកាន់ប្រឆាំងព្រះអង្គកាលពី ខែមុន ដោយហេតុផលសុខភាពមិនល្អ៕
