ចិនរិះគន់អូស្ត្រាលី ដែលបន្តហាមឃាត់ចំពោះក្រុមហ៊ុនទូរគមនាគមន៍ដ៏ដំរបស់ចិន
ទីក្រុងប៉េកាំងបានរិះគន់រដ្ឋាភិបាល អូស្ត្រាលី ដឹកនាំដោយលោក Tony Abbott ចំពោះការគាំទ្រ ការសម្រេចចិត្តរបស់រដ្ឋាភិបាលអាណត្តិមុន ដែលបានបិទមិនឲ្យក្រុមហ៊ុន ទូរគមនាគមន៍ Hauwei របស់ចិន ដេញថ្លៃទិញសេវាអ៊ិនធើរណិត Broadband ថ្មីរបស់អូស្ត្រាលី (National Broadband Network)។
រដ្ឋាភិបាលអូស្ត្រាលីអាណត្តិមុន បានរារាំងក្រុមហ៊ុនចិននេះ ពីការស្នើសុំធ្វើកិច្ចការពាក់ព័ន្ធនឹង បណ្តាញអ៊ិនធើរណិត Broadband ជាតិ ដោយសំអាងលើការបារម្ភពីសន្តិសុខ។
រដ្ឋ មន្ត្រីទំនាក់ទំនងអូស្ត្រាលី លោក Malcolm Turnbull ធ្លាប់បានសន្យាថានឹងពិនិត្យមើលការហាត់នោះឡើងវិញ ប៉ុន្តែបន្ទាប់ពីទទួលការផ្តល់ព័ត៌មានពីអ្នកស៊ើបការណ៍សម្ងាត់ របស់ខ្លួន អគ្គមេធាវីថ្មីរបស់អូស្ត្រាលី លោក George Brandis បានសម្រេចថានឹងបន្តការហាមឃាត់ជាបន្តទៀត។
អ្នកនាំពាក្យ ក្រសួងការបរទេសចិន និយាយថា រដ្ឋាភិបាលចិនតែងតែប្រឆាំងចំពោះប្រទេសណា ដែលប្រើកត្តាសន្តិសុខជាតិ ជាមូលហេតុ ឬជាលេស ដើម្បីរំខានដល់សេដ្ឋកិច្ច ឬកិច្ចសហការពាណិជ្ជកម្មរវាងប្រទេសទាំងពីរ៕ (Radio Australia)