អាជ្ញាធររាជធានីភ្នំពេញត្រៀមកម្លំាងការពារសន្តិសុខក្នុងពិធីក្រុងពាលី និងសម្ពោធព្រះបរមរូបព្រះរតនកោដ្ឋ
ភ្នំពេញ៖ នៅក្នុងកិច្ចប្រជុំជាមួយស្ថាប័នពាក់ពន្ធ័ កាលពីថ្ងៃទី ៨ ខែតុលា លោក ប៉ា សុជាតិវង្ស អភិបាលរាជធានីភ្នំពេញ បានឲ្យដឹងថា អាជ្ញាធររាជធានីភ្នំពេញ ជាអ្នកទទួលខុសត្រូវលើផ្នែកសន្ដិសុខ សណ្ដាប់ធ្នាប់សាធារណៈ ពិធីក្រុងពាលី និងពិធីសម្ពោធព្រះបរមរូបព្រះបរមរតនកោដ្ឋទាំង ផ្នែក ទទួលភ្ញៀវ និងការ រៀបចំទូទៅ ។
លោក ប៉ា សុជាតិវង្ស បានបន្ដថា តួនាទីអាជ្ញាធរត្រូវទទួល រៀបចំសណ្តាប់ធា្នប់ និងការពារសន្តិសុខក្នុងពីធីនេះនៅល្ងាចថ្ងៃទី ១០ និងព្រឹកថ្ងៃទី ១១ រហូតដល់ ថ្ងៃទី ១៥ ដែលជាថ្ងៃគោរពវិញ្ញាណក្ខ័ន្ធព្រះរតនកោដ្ឋ។
ព្រះរាជពិធីនេះ ប្រព្រឹត្តក្រោមព្រះរាជាធិបតី ភាពរបស់ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណា ចក្រកម្ពុជា និងសម្តេចព្រះមហាក្សត្រីព្រះវររាជមាតាជាតិខ្មែរផងដែរ។ នៅក្នុងពិធីនេះអាជ្ញាធរនឹងបិទផ្លូវនៅម្តុំវិមានឯករាជ្យ ដល់សួនមុខណាហ្គាវើល ដោយរថយន្ត គណៈប្រតិភូត្រូវអនុញ្ញាតឲ្យចូលតាមផ្លូវព្រះនរោត្តម។
ព្រះបរមរូបព្រះបរមរតនកោដ្ឋត្រូវបានបញ្ចុះបឋមសិលាកាលពីថ្ងៃទី ២២ ខែកុម្ភៈឆ្នាំ ២០១៣។ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះបរមរតនកោដ្ឋទ្រង់បានយាង សោយ ព្រះទិវង្គត កាលពីថ្ងៃទី ១៥ ខែតុលា ឆ្នាំ២០១២ នៅឯមន្ទីរពេទ្យក្រុងប៉េកាំងប្រទេសចិន ក្នុងព្រះជន្ម ៩០ ព្រះវស្សាដោយជរាពាធ៕ Cambodia News
