ភរិយា ស៊ុក សុភា ផ្ទុះកំហឹងជុំវិញព័ត៌មានចុះផ្សាយថា កូនកើតមកមានបញ្ហាសុខភាព
ភ្នំពេញ៖ ភរិយារបស់តារាសម្តែងរាងខ្ពស់សង្ហាលោក ស៊ុក សុភា អ្នកនាង ហ្សារីណា បានសម្តែង ការមិនចេញចិត្តចំពោះព័ត៌មានចេញផ្សាយថា កូនប្រុសទី២ របស់ពួកគេដែលទើបតែចាប់កំណើតបានប៉ុន្មានថ្ងៃមុននេះ មានបញ្ហាសុខភាព ។
ការផ្ទុះកំហឹងទាំងកម្រោលរបស់ភរិយាលោកស៊ុក សុភា ដែលគេស្គាល់ថា ជាស្ត្រីមេម៉ាយកូន២ជនជាតិខ្មែរសញ្ជាតិអូស្ត្រាលី រូបនេះកើតឡើង បន្ទាប់ពីបណ្តាញសារព័ត៌មានក្នុងស្រុកមួយ បានធ្វើការចុះផ្សាយពាក់ព័ន្ធទៅលើ ការចាប់កំណើតកូនទី២ របស់តារាសម្តែងលោក ស៊ុក សោភា ដោយមានបញ្ហាសុខភាព បន្ទាប់ពីទារក នោះបានកើតមកមិនគ្រប់ខែ ។
ការបង្កឲ្យមានការភ្ញាក់ផ្អើលនេះ ក្រោយពេលដែលភរិយារបស់តារាសម្តែង រូបនេះបានបង្ហោះរូបភាពមួយចំនួន ស្ដីពីការសម្រាលកូនទី២ របស់ខ្លួន នៅលើបណ្តាញសង្គមហ្វេសប៊ុកអមដោយពាក្យពេចន៍មានន័យជាភាសាខ្មែរ ថា ៖ ” ខ្ញុំមានសុខភាពធម្មតាទេ ប៉ុន្តែកូនប្រុសរបស់ខ្ញុំត្រូវសម្រាកក្នុងមន្ទីរពេទ្យដើម្បីតាម តាមដានសុខភាពសិន ។ ដូច្នេះខ្ញុំសង្ឃឹមថា គេនឹងបានទៅផ្ទះ ក្នុងពេលឆាប់ៗនេះដែរ” ។
ក្នុងនោះដែរភរិយា របស់លោក ស៊ុក សុភា ក៍បានបញ្ជាក់ដែរថា កូនប្រុសរបស់អ្នកនាងសម្រាលមុនកាលកំណត់ចំនួន២ខែ(៧ខែ) គឺចំពេលដែលបណ្ដាប្រទេសមួយចំនួនប្រារព្ធទិវា “លោកឪពុក” ។
ទាំងនេះអាចនិយាយបានថា ការចុះផ្សាយរបស់ បណ្ដាញសារព័ត៌មាននោះមិនមែនជាការបន្ទោសបង្អាប់ដល់ ការចាប់កំណើតកូនទី២របស់តារាសម្តែងលោក ស៊ុក សុភា នោះឡើយ ផ្ទុយទៅវិញវា ជាការត្រឹមត្រូវមួយ ខណះពេលក្មេងដែលបានចាប់កំណើតមិនគ្រប់ខែទៅហើយនោះគ្មានអ្នកណាម្នាក់ ដែលមិនដឹងទេថា ទារកប្រាកដជាមានអាការះខ្សោយ និងមានបញ្ហាសុខភាពបន្តិចបន្តួចដោយចៀសមិនផុត ។
ប៉ុន្តែភិរិយា របស់លោកស៊ុក សុភា ហាក់មិនបានទទួលស្គាល់នូវបញ្ហានេះឡើយ ពោលនាងបែជាចាត់ទុក ការចុះផ្សាយនោះថា ជាការដាក់ទំនាយកូន របស់ខ្លួនទៅវិញ ។
ជាការឆ្លើយតបភរិយា របស់លោក ស៊ុក សុភា អ្នកនាងហ្សារីណា បានសសេរដើម្បីបកស្រាយទៅលើបញ្ហានេះបង្ហោះនៅក្នុងគណនេយ្យហ្វេស ប៊ុករបស់នាង ដែលមានខ្លឹមសារថា “ខ្ញុំសូមបញ្ចាក់ថា កូនប្រុសរបស់ខ្ញុំគ្មានបញ្ហាផ្នែកសុខភាពទេ ហើយខ្ញុំក៏អត់បានសរសេរថាកូនខ្ញុំកើតអីដែរ ហេតុអីក៏មកសរសេរយ៉ាងនេះ? ដែលពេទ្យមិនអោយកូនខ្ញុំចេញមកផ្ទះភ្លាមដោយសារគ្នាមិនទាន់គ្រប់ខែ នឹងគ្រប់គីឡូ ទើបពេទ្យគេទុកនៅជួយមើលថែ នេះជាច្បាប់នៅស្រុកនេះ ។ អ្វីដែល នៅលើកូនខ្ញុំគឺជាជំនួយជួយអោយគាត់ដកដង្ហើមបានស្រួលតែប៉ុណ្ណោះ សរសេរយ៉ាងនេះហាក់ដូចជាដាក់ទំនាយអោយកូនខ្ញុំអញ្ចឹង! ។ នាង បញ្ជាក់ថា ខ្ញុំជឿរព្រោះកូនៗខ្ញុំសិតតែមិនគ្រប់ខែទេ តែពួកគេឆ្លាតៗណាស់” ។
ភរិយា រូបនេះក៍បានអះអាងប្រាប់មិត្តភក្តិរបស់នាងនៅមុនពេលកូនប្រុសរបស់ នាងចាប់កំណើតថា មុនគាត់កើតពួកបង បានរៀបចំទៅកំសាន្តនៅសួនសត្វដើម្បីអបអរថ្ងៃ Father’s day អោយបងភា តែគ្រាន់តែចេញផុតពីផ្ទះបានបន្ទិចបងក៏ចាប់ផ្ដើមឈឺពោះកើតទៅ ចឹងហើយទើបឃើញបងដូចមិនទើបតែសំរាលកូនហើយព្រោះត្រៀមខ្លួនទៅ ដើរលេង មិនមែនទៅសំរាលកូនទេ ដូច្នេះកូនប្រុសនេះកើតថ្ងៃណឹងគឺជាចំណងដៃអោយបងភាជាថ្ងៃ Father’s day នៅអូស្ដ្រាលី ។
គួ បញ្ជាក់ថា តារាសម្ដែង លោក ស៊ុក សុភា បានរៀបអាពាហ៍ពិពាហ៍ជាមួយអាណិកជនអូស្ត្រាលី គឺអ្នកនាង សារីណា កាលពីពាក់កណ្ដាលឆ្នាំ ២០១២ កន្លងទៅ ក្រោមការអញ្ជើញចូលរួមពីមន្ត្រីជាន់ខ្ពស់ នៃរាជរដ្ឋាភិបាល និងភ្ញៀវកិត្តិយសទាំងក្រៅ និងក្នុងសិល្បៈ ប្រមាណ ១០០០ នាក់ ។ នេះចំណងដៃទី២ នៃតំណក់ឈាមរបស់គូស្នេហ៍ឆ្លងទ្វីបមួយគូនេះ ៕ ស.រ/Cambodia News
