សិស្សជាប់បាក់ឌុប នៅភ្នំពេញ អាចដក សញ្ញាបត្របណ្តោះអាស្នន បាននៅថ្ងៃទី១០ តាមខេត្ត ដកនៅថ្ងៃទី១៨ កញ្ញា
ភ្នំពេញ ៖ មន្ត្រីជាន់ខ្ពស់ក្រសួងអប់រំ យុវជន និងកីឡាបានឲ្យដឹងថា សិស្សានុសិស្ស ដែល ទើប ប្រឡង ជាប់បាក់ឌុបឆ្នាំ២០១៣ នៅទីក្រុងភ្នំពេញ ទាំងអស់អាចដកសញ្ញាបត្រ បណ្តោះអាស្នន បាននៅថ្ងៃទី១០ ខែកញ្ញា នេះ ខណៈដែលសិស្ស នៅតាមខេត្តអាចដក សញ្ញាបត្របាននៅថ្ងៃទី១៨ ខែកញ្ញា ខាងមុខដោយគ្មាន ការយកប្រាក់នោះទេ។
ប្រធាននាយកដ្ឋាន មធ្យមសិក្សាចំណេះដឹងទូទៅ នៃក្រសួងអប់រំ យុវជន និង កីឡា លោក អ៊ឹង ង៉ោហុក បានឲ្យដឹងថា សម្រាប់សិស្សដែលនៅ រាជធានីភ្នំពេញ ក្រសួងអប់រំនឹងផ្តល់ សញ្ញាបត្រវិញ្ញាបនបត្រ រយៈពេល២ថ្ងៃ គឺនៅថ្ងៃទី១០ និងទី១១ កញ្ញា ២០១៣ នៅវិទ្យាល័យជា ស៊ីម សន្ធរម៉ុក។ ការចែកសញ្ញាបត្រនេះ ចែកជា២វេណ គឺនៅថ្ងៃទី១០ កញ្ញា ២០១៣ សម្រាប់សិស្សស្រី និងថ្ងៃទី១១ កញ្ញា ២០១៣ សម្រាប់សិស្សប្រុស។
លោកបន្តទៀតថា សម្រាប់សិស្សានុសិស្ស នៅតាមបណ្តាខេត្តអាច ទៅដកសញ្ញាបត្របាន ចាប់ពីថ្ងៃទី១៨ ខែកញ្ញា តទៅ ហើយការដកសញ្ញាបត្រ បណ្តោះអាស្នននេះ មិនមានការយកប្រាក់ ឡើង។
គួរបញ្ជាក់ថា សិស្សដែលប្រឡងបាក់ឌុបជាប់ ក្នុងឆ្នាំសិក្សា២០១៣ ទូទាំងប្រទេសមាន ចំនួន៩១.៣៧០នាក់ ដោយឡែករាជធានី ចំនួន១៧.៩៥៩នាក់។ សិស្សទាំងអស់ដែលទៅ ទទួលយកសញ្ញាបត្រ ត្រូវយកកាតសិស្សទៅជាមួយផង ហើយបើទៅខុសវេណ ក្រសួងអប់រំមិនប្រគល់ សញ្ញាបត្រឱ្យទេ ចំណែកសិស្សស្វ័យរិន សូមទៅយកនៅក្រសួងអប់រំ យុវជន និងកីឡា៕ នាង/Cambodia News
