នៅប្រទេសស្រីលង្កាមានការរៀបអាពាហ៍ពិពាហ៍ឲ្យសត្វឆ្កែ៩គូ
មន្រ្តីរបស់ក្រសួងវប្បធម៌នៃ ប្រទេស ស្រីលង្កាបានផ្ដល់ការអនុគ្រោះ យ៉ាងធំមួយចំពោះការរៀបអាពាហ៍ពិពាហ៍ក្នុងទ្រង់ទ្រាយដ៏ធំមួយឲ្យ ឆ្កែប៉ូលិស ដែលបានប្រារព្ធឡើងតាមគន្លងប្រពៃណីព្រះពុទ្ធសាសនាសម្រាប់ ការរៀបចំមង្គលការ។
រដ្ឋ មន្រ្តីក្រសួងវប្បធម៌ស្រីលង្កាលោក T B Ekanayake បានទាមទារសុំការពន្យល់អំពីមូលហេតុដែលនាំឲ្យមានការរៀបពិធី អាពាហ៍ពិពាហ៍សត្វឆ្កែដែលប្រព្រឹត្តទៅនៅភាគកណ្ដាលប្រទេសក្នុង គោលបំណងធ្វើការលើកស្ទួយកម្មវិធីបង្កបង្កើនពូជឆ្កែ ហិតក្លិនឲ្យបានច្រើនថែមទៀត។
ប៉ូលិស្រីលង្កាបានរៀបការឲ្យឆ្កែ ចំនួន៩គូនៅលើវេទិកាដោយមានសម្លៀកបំពាក់ពណ៌សនិងផ្កា ដូចជាមនុស្សដែរ តាមបែបផែនរបស់ប្រពៃណីជាតិ។
អ្នកនាំពាក្យ ម្នាក់របស់កងប៉ូលិសនៃប្រទេសស្រីលង្កាបានសម្ដែងការសុំទោសទុកជា មុនប្រសិនណាបើទង្វើនេះបានញ៉ាំងឲ្យមានផលប៉ះពាល់ដល់ សតិអារម្មណ៍របស់សាធារណជន៕ (Radio Australia)