សិស្សសាលា ឥន្ទ្រទេវីម្នាក់ និងបក្ខពួកម្នាក់ ធ្វើសកម្មភាពឆក់កាបូប
ភ្នំពេញ៖ កាលពីវេលាម៉ោង៨និង៣០នាទីព្រឹក ថ្ងៃទី២៣ ខែសីហា នគរបាលបឹងកក់២ ចាប់សិស្សសាលាឥន្ទ្រទេវីម្នាក់ និងបក្ខពួកម្នាក់ ដែលបានធ្វើសកម្មភាពឆក់យកកាបូបស្ពាយពីនិស្សិតស្រី បានសម្រេច នៅផ្លូវ៣១៧ កែងផ្លូវ៥៩៨ សង្កាត់បឹងកក់២ ខណ្ឌទូលគោក ហើយព្យាយាមជិះរត់គេចខ្លួន បណ្ដាលឱ្យដួលម៉ូតូនៅចំណុចស្ដុបត្រឡោកបែក។
យុវជនសង្ស័យ ឈ្មោះ ទេព សុណា ភេទប្រុស អាយុ១៧ឆ្នាំ ជាសិស្សសាលាឥន្ទទេវី ថ្នាក់ទី១២ ស្នាក់នៅផ្ទះលេខ៦៧ ផ្លូវរថភ្លើង សង្កាត់បឹងកក់២ ខណ្ឌទួលគោក និងម្នាក់ទៀតឈ្មោះ អ៊ឹម ជីវ៉ា ភេទប្រុស អាយុ១៦ឆ្នាំ ស្នាក់នៅម្ដុំវត្ដនាគវ័ន សង្កាត់បឹងកក់២ ពួកគេជិះម៉ូតូម៉ាកហុងដាសេ១២៥ ពណ៌ខ្មៅ ស៊េរី២០១៣ ពាក់ស្លាកលេខ ភ្នំពេញ 1P-1294។
ចំណែកជនរងគ្រោះឈ្មោះមឿន ម៉ាឡៃ អាយុ២០ឆ្នាំ សាកលវិទ្យាល័យអន្ដរជាតិស្នាក់ សង្កាត់វត្ដភ្នំ ខណ្ឌដូនពេញ រួមដំណើរជាមួយនឹងមិត្ដស្រីម្នាក់៕ Cambodia News
