ក្រុមប្រឹក្សាធម្មនុញ្ញចាប់ផ្តើមដោះស្រាយបណ្តឹងថ្ងៃនេះ
ភ្នំពេញ៖ នៅថ្ងៃអង្គារ ទី២០ ខែសីហា ឆ្នាំ២០១៣នេះ ចាប់តាំងពីម៉ោង៨ និង៣០នាទីព្រឹក ក្រុមប្រឹក្សាធម្មនុញ្ញបានចាប់ផ្តើមដោះស្រាយលើពាក្យបណ្តឹង ដែលក្រុមប្រឹក្សានេះពិចារណាហើយ។
បើតាមសេចក្តីប្រកាសព័ត៌មានរបស់ក្រុមប្រឹក្សាធម្មនុញ្ញ យ៉ាងហោចណាស់មានពាក្យបណ្តឹងចំនួន៣៣ទាក់ទិននឹងការបោះឆ្នោត ត្រូវបានអគ្គលេខាធិការដ្ឋានក្រុមប្រឹក្សាធម្មនុញ្ញទទួលបាន។
ហើយក្នុងចំណោមពាក្យបណ្តឹងទាំងនោះ មានពាក្យបណ្តឹងចំនួន១៤ត្រូវបានដោះស្រាយរួច ហើយនៅសល់ ១៩បណ្តឹងកំពុងដោះស្រាយ ដោយនៅក្នុងនោះមានបណ្តឹងបដិសេធសេចក្តីសម្រេចរបស់ គ.ជ.ប លើលទ្ធផលបណ្តោះអាសន្ន នៃការបោះឆ្នោតចំនួន ៩ពាក្យបណ្តឹង៕ Cambodia News
