សមាគមគ្រូបង្រៀនកម្ពុជាសុំឲ្យលោក កែប ជុតិមាពន្លឿនការដោះស្រាយជូនពលរដ្ឋបុរីកីឡា
ថ្ងៃទី២៣ ឧសភា ២០១២ សមាគមគ្រូបង្រៀនកម្ពុជាឯករាជ្យ របស់លោក រ៉ុង ឈុន បានស្នើសុំឲ្យលោក កែប ជុតិមា អភិបាលនៃគណៈអភិបាលរាជធានីភ្នំពេញ សុំឱ្យមានការពន្លឿននូវដំណោះស្រាយជូនប្រជាពលរដ្ឋតំបន់បុរីកីឡា ដោយសារពូកគាត់រង់ចាំអស់រយៈពេលជាច្រើនខែហើយ សាលារាជធានីភ្នំពេញនៅតែមិនបានផ្ដល់ដំណោះស្រាយជូនពួកគាត់ឡើយ។
ក្នុងខ្លឹមសារលិខិតបានលើកឡើងថា សមាគមគ្រូបង្រៀនកម្ពុជាឯករាជ្យ ចង់ឃើញដំណោះស្រាយដោយយុត្តិធម៌ ជូនប្រជាពលរដ្ឋ តាមកិច្ចសន្យារវាងតំណាងអ្នកបុរីកីឡា និងក្រុមហ៊ុនផានអ៊ីមិច នឹងសាងសង់អគារចំនួន ១០ ហើយដំណោះស្រាយនេះ មិនត្រូវអូសបន្លាយពេលវេលាបន្តទៅទៀតនោះទេ ពីព្រោះស្ថានភាពរបស់ប្រជាពលរដ្ឋ កំពុងប្រឈមនឹងការលំបាកយ៉ាងធ្ងន់ធ្ងរ អំពីជីវភាពរស់នៅប្រចាំថ្ងៃ៕