អូស្ត្រាលីរិះគន់ការប្រព្រឹត្តរបស់មីយ៉ាន់ម៉ា ទៅលើជនជាតិភាគតិច Rohingya
មុនដំណើរទស្សនកិច្ចរយៈពេល២ថ្ងៃទៅ កាន់ប្រទេសមីយ៉ាន់ម៉ា រដ្ឋមន្ត្រីក្រសួងការបរទេសអូស្ត្រាលីបានរិះគន់ចំពោះការ ប្រព្រឹត្តរបស់ប្រទេសមីយ៉ាន់ម៉ា ទៅលើជនជាតិភាគតិច Rohingya ។
នៅថ្ងៃនេះលោក Bob Carr នឹងធ្វើដំណើរទៅដល់ប្រទេសមីយ៉ាន់ម៉ា។
លោក មានប្រសាសន៍ថា ការប្រព្រឹត្តរបស់មីយ៉ាន់ម៉ា ទៅលើជនជាតិភាគតិច Rohingya មានផលអាក្រក់ដល់ កិត្តិនាមលើឆាកអន្តរជាតិរបស់ប្រទេសមួយនេះដែលបានខិតខំចាប់ យកលទ្ធិប្រជាធិបតេយ្យ។
“I want to point out to the leadership on both sides of the political divide that it is now seriously harming the reputation of their country that all political parties including Aung San Suu Kyi’s are showing a resistance to properly protecting the estimated 800,000 Rohingya in Myanmar.”
លោក Bob Carr មានប្រសាសន៍ថា លោកចង់ឲ្យអ្នកដឹកនាំទាំងពីរគណបក្សក្នុងប្រទេសមីយ៉ាន់ម៉ា ដឹងថា ស្ថានភាពសព្វថ្ងៃនេះ មានផលប៉ះពាល់ដល់កិត្តិនាមរបស់ប្រទេសខ្លួនយ៉ាងខ្លាំង ដោយគ្រប់គណបក្សនយោបាយរួមទាំងបក្សរបស់លោកស្រី Aung San Suu Kyi ផងដែរ កំពុងបង្ហាញនូវការមិនព្រមការពារឲ្យបានហ្មត់ចត់ ដល់ក្រុមជនជាតិភាគតិច Rohingya ដែលមានចំនួនប្រមាណជា ៨សែននាក់ក្នុងប្រទេសនោះ៕ (Radio Australia)