ប្រាក់ចំណូលពីប្រាសាទអង្គវត្តមានប្រមាណ៣០លានដុល្លារប៉ុណ្ណោះ
Cambodia News/
ភ្នំពេញ៖ ក្នុងពិធីខួប៥ឆ្នាំ នៃការដាក់បញ្ចូលប្រាសាទព្រះវិហារជាសម្បត្តិបេតិកភណ្ឌពិភព កាលពីថ្ងទី៧ ខែកកដ្កា លោកឧបនាយករដ្ឋមន្រ្តី សុខ អាន រដ្ឋមន្រ្តី នៃទីស្តីការគណៈរដ្ឋមន្រ្តី បានឲ្យដឹងថា ប្រាក់ចំណូលរបស់រដ្ឋាភិបាលដែលទទួលបានពីប្រាសាទអង្គវត្ត មានតែត្រឹម៣០លានដុល្លារប៉ុណ្ណោះ ដែលវាផ្ទុយពីការអះអាងរបស់គណបក្សប្រឆាំងដែលថា មានប្រមាណ១៥០លានដុល្លារនោះ។
លោកឧបនាយករដ្ឋមន្រ្តី សុខ អាន បានថ្លែងថា ប្រាក់ចំណូលពីប្រាសាទអង្គវត្តដែលទទួលបានប្រមាណ៣០លានដុល្លារក្នុង មួយឆ្នាំនេះ នឹងមិនអាចយកទៅតម្លើងប្រាក់ខែដល់មន្រ្តីរាជការ ក៏ដូចជាផ្តល់ដល់ជនចាស់ជរា៤ម៉ឺនរៀលក្នុងមួយខែបានទេ។
លោក ឧបនាយករដ្ឋមន្រ្តី បន្ត ប្រាក់ចំណូលទាំងនេះ រដ្ឋាភិបាលនឹងត្រូវប្រើប្រាស់ជាវិភាគទានសម្រាប់ការអភិរក្ស និងអភិវឌ្ឍន៍តំបន់អង្គរ របស់គណៈកម្មាធិការសម្របសម្រួលអន្តរជាតិ សម្រាប់ការអភិរក្ស និងការអភិវឌ្ឍតំបន់អង្គរ ហៅកាត់ថា ICC Angkor ថែមទៀត។
សូមបញ្ជាក់ថា ការប្រកាសពីប្រាក់ចំណូលដែលបានមកពីប្រាសាទអង្គវត្តរបស់លោក ឧបនាយករដ្ឋមន្រ្តី សុខ អាន នេះ ត្រូវគេមើលឃើញថា ធ្វើឡើងជាការឆ្លើយតបទៅនឹងការនិយាយរបស់គណបក្សប្រឆាំងដែលថា ប្រាក់ចំណូលពីប្រាសាទអង្គវត្តមានប្រមាណ១៥០លានដុល្លារ ហើយខ្លួនអាចយកទៅតម្លើងប្រាក់ខែដល់មន្រ្តីរាជការ និងផ្តល់ដល់ជនចាស់ជរាដែលមានអាយុចាប់ពី៦៥ឆ្នាំឡើងទៅនូវទឹក ប្រាក់ចំនួន៤ម៉ឺនរៀលក្នុងមួយខែ ពេលដែលខ្លួនជាប់ឆ្នោតនោះ៕
