គ.ជ.ប បើកវគ្គបណ្តុះបណ្តាលស្តីពីការបោះឆ្នោត រាប់សន្លឹកឆ្នោត និងការបូកសរុបលទ្ធផល
Cambodia News
ភ្នំពេញ៖ គណៈកម្មាធិការ ជាតិរៀបចំការបោះឆ្នោត (គ.ជ.ប) នឹងបើកវគ្គបណ្តុះបណ្តាលដល់ប្រធាន និងសមាជិកបណ្តុះបណ្តាល គ្រូបង្ហាត់ គធ/ខប តំណាងគណបក្សនយោបាយ និងអ្នកសង្កេតការណ៍បោះឆ្នោត ស្តីពីការបោះឆ្នោត រាប់សន្លឹកឆ្នោត និងការបូកសរុបលទ្ធផល នៃការបោះឆ្នោត រយៈពេល៣ថ្ងៃ ដោយចាប់ផ្តើមពីថ្ងៃទី០៨ ខែកក្កដា ដល់ថ្ងៃទី១០ ខែកក្កដា ឆ្នាំ២០១៣ខាងមុខ។
តាមសេចក្តីជូនដំណឹងរបស់ គ.ជ.ប កម្មវិធីបណ្តុះបណ្តាលនោះនឹងមានការចូលរួមបើកវគ្គដោយលោកស្រី ស៊ីន ជុំបូ អនុប្រធាន គ.ជ.ប នាថ្ងៃទី០៨ ខែកក្កដា វេលាម៉ោង៨ព្រឹក ព្រមទាំងបិទវគ្គដោយលោក អ៊ឹម សួស្តី ប្រធាន គ.ជ.ប នៅថ្ងៃទី១០ ខែកក្កដា វេលាម៉ោង៥ល្ងាច៕
