ក្រុមចលនា V for Thailand ធ្វើបាតុកម្មនៅក្រុងបាងកក
បាតុករប្រឆាំងរដ្ឋាភិបាលថៃច្រើន រយនាក់ បានប្រមូលផ្ដុំគ្នានៅ ម្ដុំមណ្ឌលលក់ទំនិញនៅក្រុងបាងកក ដើម្បីជាការរម្លឹកអំពីការបែកបាក់នយោបាយនៅក្នុងព្រះរាជាណាចក្រ ថៃ។
ការធ្វើបាតុកម្មដោយ ក្រុមចលនាមួយដែលហៅខ្លួនឯងថា ចលនា V សម្រាប់ប្រទេសថៃ ដែលក្រុមបាតុករមានការពាក់មុខពណ៌សផងនោះ គឺជាព្រឹត្ដិការណ៍បាតុកម្មទី៤ហើយនៅក្នុងរយៈពេល១ខែនេះ ធ្វើឡើងនៅចំកណ្ដាលក្រុងបាងកក។
គេមិនសូវដឹងច្រើនអំពី មេដឹកនាំក្រុមចលនានេះ ឬក៏ទំនាក់ទំនងភក្ដីភាពនៃក្រុមនេះលើបក្សនយោបាយនៅក្នុងប្រទេសថៃ នោះទេ ប៉ុន្ដែក្រុមនេះបានផុសចេញឡើងពីចលនាសង្គមចម្បងមួយតាមប្រព័ន្ធ អ៊ីនធើរ ណិត ដោយធ្វើការប្រឆាំងនឹងរដ្ឋាភិបាលថៃសព្វថ្ងៃ ក៏ដូចជាប្រឆាំងនឹងអតីតលោកនាយករដ្ឋមន្រ្ដីថៃ ថាក់ស៊ីន ស្ហ៊ីណាវ៉ាត្រ។
តាមបដានៅលើទំព័រ Facebook នៃក្រុមនេះបាននិយាយថា ពួកគេតំណាងឲ្យអំណាចពលរដ្ឋ ដោយធ្វើយុទ្ធនាការជំរុញឲ្យមានការប្រឆាំងទៅនឹងភាពផ្ដាច់មុខនៃ ក្រុមបក្សណាមួយនៅក្នុងសភា និងបញ្ហាអំពើពុករលួយ៕ (Radio Australia)
