ឆៃ លីដាឡែន ឈប់ពី សិល្បៈស្ងាត់ៗ
Cambodia News
ព័ត៌មានកម្សាន្ត
ភ្នំពេញ៖ បន្ទាប់ពីតារាស្រីសិចស៊ី សម្បូរដើមទ្រូង កញ្ញា ឆៃ លីដាឡែន ធ្លាប់ជំពប់នឹងរឿងស្លៀកពាក់ ភ្លេចប្រពៃណីខ្មែរលើ ទឹកដីអាមេរិក កាលពីជាង១ឆ្នាំមុន រហូតមកដល់ ពេលបច្ចុប្បន្ននេះ គេនៅតែសង្កេតឃើញ សន្ទុះកេរ្តិ៍ឈ្មោះរបស់នាង នៅតែដុនដាប ស្ងប់ស្ងាត់ដដែល រហូតធ្វើឲ្យតារាស្រីរូបនេះ សម្រេចចិត្តឈប់ពី ការងារសិល្បៈ ដោយសារតែនាងនៅតែ គ្មានឱកាសបញ្ចេញ មុខមាត់នៅ លើកញ្ចក់ទូរទស្សន៍ ដូចពេលមុននោះទេ។
បើតាមប្រភពពីអ្នកសិល្បៈ នៅជិតខ្លួនតារាសម្បូរដើមទ្រូង កញ្ញា ឆៃ លីដាឡែន ពេលនេះផ្អាកពីសិល្បៈ ទាំងស្រុងហើយ ដោយសារតែរហូត មកដល់ពេលនេះហើយ នាងនៅតែគ្មានឱកាស កសាងកេរ្តិ៍ឈ្មោះឲ្យលេច អណ្តែតឡើងខ្ពស់ ដូចពេលមុននេះទេ អស់រយៈពេលជាង ១ឆ្នាំហើយ ដែលនាងត្រឡប់មកពី សម្តែងនៅអាមេរិកវិញ ដោយនាងបាត់ឱកាសឡើងលើកញ្ចក់ទូរទស្សន៍ ដោយខាងស្ថានីយទូរទស្សន៍ មិនអញ្ជើញនាងឡើង កម្មវិធីឡើយនេះ ហើយជាដើមហេតុដែល ធ្វើឲ្យនាងសម្រេចចិត្តបោះបង់អាជីព នេះ ចោលដោយគ្មានស្តាយ ស្រណោះទេ។
ប្រភពដដែលបានបង្ហើបប្រាប់ ឲ្យដឹងបន្ថែមទៀតថា ទោះបីជាពេលនេះ អាឡែន មិនបានចូលប្រឡូក ក្នុងសិល្បៈដោយចំហរដូចមុន ក៏ពិតមែនតែនាង នៅតែបន្តប្រឡូក ក្នុងវិស័យ សិល្បៈដោយប្រយោល គឺការច្រៀងនៅខនសឺត តាមខេត្តដែលមាន ទស្សនិកជនមួយចំនួន នៅតែបន្តគាំទ្រនាងដដែល ទោះជាមានមហាជន មួយចំនួនហាក់នៅតែ ខឹងសម្បារនាង ដោយសារតែកំហុង អចេតនានោះក៏ដោយ។
បន្ទាប់ពីបុប្ផា រីកសាយភាយ សម្រស់លើទឹកដី ខេត្តបាត់ដំបង កញ្ញា ឆៃ លីដាឡែន បានបញ្ចេញភាព សិចស៊ី ហួសដែនកំណត់ ធ្វើឲ្យប្រជាពលរដ្ឋមួយចំនួន មានការខឹងសម្បារ ទៅលើនាង ខណៈដែល នាងនៅសម្តែងនៅលើ ទឹកដីអាមេរិក ហើយក្រោយពីនាងបានត្រឡប់ មកដល់ស្រុកកំណើតវិញ នាងក៏ត្រូវបាន ខាងស្ថានីយទូរទស្សន៍ ផ្អាកឈប់ អញ្ជើញឡើងទូរទស្សន៍ រហូតដល់បច្ចុប្បន្ននេះ។
ទោះជាយ៉ាងណានាង ក៏បានចេញមុខសុំទោស ជាសាធារណៈ ដល់ប្រជាពលរដ្ឋ ទៅលើកំហុស អចេតនារបស់នាង ជាច្រើនដងរួចមកហើយ តែលទ្ធផលកំហុស ដែលនាង ធ្វើខុសមួយពេល បែរជាត្រូវ គេថ្កោលទោសអស់ រយៈពេលជាង ១ឆ្នាំហើយ ដល់ថ្នាក់ធ្វើឲ្យតារាស្រីរូបនេះ អស់ការអត់ធ្មត់ លែងខាំម៉ាត់ សង្កត់ចិត្តតទៅទៀត ដោយសម្រេចចិត្ត ដើរចេញពីសិល្បៈ៕ ស.រ
