បេនី យ៉ាំង ផ្ទុះកំហឹងជាមួយអ្នកដឹកនាំសម្តែងផលិតកម្មថោន ផ្អើលពេញហ្វេសប៊ុក
សារព័ត៌មាន Cambodia News/
ភ្នំពេញ (១៨ កុម្ភៈ ២០១៦) ៖ តារាស្រីសាច់សខ្ចីចូលចិត្តស្លៀកពាក់បញ្ចេញភាពសិច ស៊ីកញ្ញា បេនី យ៉ាំង ថ្មីៗនេះបានផ្ទុះកំហឹងដាក់គ្នាជាមួយអ្នកដឹកនាំតួសម្ដែង របស់ ផលិតកម្មថោន លោក វ៉ាត លីម៉េង បង្កការភ្ញាក់ផ្អើលពេញបណ្ដាញសង្គមហ្វេសប៊ុក។
តាមរយៈ ការសរសេរបង្ហោះនៅលើបណ្ដាញសង្គម ហ្វេសប៊ុករបស់លោកវ៉ាត លីម៉េង បានលើកឡើងថា «ហាស ហាស…….ខ្ញុំមិនហ៊ានយកថតទេ ព្រោះថ្លៃជាងតារាជើងចាស់ទៀត….ហើយណាមួយខ្ញុំចូលចិត្ត អ្នកគោរព ពេលវេលា….»។
ចំ ពោះដើមហេតុដែលនាំឲ្យលោកវ៉ាត លីម៉េង សរសេរលើកឡើងដូច្នេះគឺក្រោយពេលម្ចាស់អាខោន ហ្វេសប៊ុកមួយបានសរសេរចោទជាសំណួរថា ដឹងថា បេនី យ៉ាំងថតមួយរឿងស៊ីថ្លៃប៉ុន្មានអត់ ? ដែលភ្លាមៗនោះគេសង្កេតឃើញមានការបញ្ចេញមតិផ្សេងៗគ្នាពី តម្លៃ ខ្លួនរបស់តារាស្រីនាង បេនី យ៉ាំង។
ឆ្លើយតប ចំពោះការរិះគន់របស់លោក វ៉ាត លីម៉េង បកអាក្រាតពីតម្លៃខ្លួនខ្ពស់ ហើយនិយាយថាជាតារាមិនគោរពពេលវេលា កញ្ញា បេនី យ៉ាំង បានសរសេរនៅលើទំព័រ Facebook ផ្ទាល់ខ្លួនរបស់នាងថា ៖ ចាសលោកនិយាយត្រូវហើយ ខ្ញុំយល់ស្របនឹងសំដីលោកណាស់…។ ហើយអរគុណដែលលោកគ្មានសមត្ថភាពយកខ្ញុំទៅថត ។ ខ្ញុំមិនចូលចិត្តធ្វើការហាលងៀតជាមួយទេចា ខ្ញុំគោរពពេលវេលាច្បាស់លាស់ជាមួយ តែបុគ្គលណាដែលគោរពពេលវេលាជាមួយខ្ញុំច្បាស់ដូចគ្នា ។
មិន មែនហៅតួទៅអង្គុយបំផើមចាំអ្នកឯងរាប់សិបម៉ោងស្ទើរពាក់ក ណ្តាល ថ្ងៃខាតពេលអត់ប្រយោជន៍នោះទេ។ ធ្វើការដូចឡប់ហើយចង់ឲ្យគេគោរព…ចាសមិនមែនមិនគោរពទេ គួរបញ្ជាក់ ផងដែរថា ឲ្យតែលើកលេខពេលណាដឹងថា ខាងផលិតកម្មនឹងហៅថត គឺមិនទទួលតែម៉ង៕
