បែកធ្លាយព័ត៌មាន ថ្នាក់ដឹកនាំគណបក្ស សង្គ្រោះជាតិ ចង់ដកលោក កឹម សុខា ចេញ ពីប្រធានស្ដីទី
Cambodia News
ភ្នំពេញ ៖ យោងតាមប្រភពព័ត៌មានមួយចំនួន ដែលលួចបង្ហើប និងមិនទាន់ផ្លូវការពីមន្ដ្រី គណបក្សសង្គ្រោះជាតិបានឱ្យដឹងថា ក្នុង រយៈពេលថ្មីៗនេះ ខណៈដែលលោក កឹម សុខា អនុប្រធានគណបក្សសង្គ្រោះជាតិ កំពុងតែមានរឿងរ៉ាវ ច្របូកច្របល់ទាំង រឿងផ្លូវភេទ និងបញ្ហាជាមួយប្រជាពលរដ្ឋ ទូទាំងប្រទេស បានធ្វើឱ្យថ្នាក់ដឹកនាំ និងសមាជិកសំខាន់ៗ របស់គណបក្សប្រឆាំងមួយនេះ មិនបាន គាំទ្រ និងចង់ទាមទារឱ្យដកលោក កឹម សុខា ចេញពីប្រធានគណបក្សស្ដីទី ។
យ៉ាងណាក៏ដោយ ជុំវិញព័ត៌មានខាងលើ នេះ ត្រូវបានមន្ដ្រីជាន់ខ្ពស់មួយរូប និងជា បេក្ខភាពតំណាងរាស្ដ្រ លេខរៀងទី១ មណ្ឌលខេត្ដកំពត របស់គណបក្សង្គ្រោះ ជាតិ លោក ជា ប៉ូច បានបដិសេធ និងច្រាន ចោលទាំងស្រុង ហើយក៏ពុំមានព័ត៌មានខាង លើនេះកើតឡើងនោះឡើយ ។
គួរបញ្ជាក់ថា ក្នុងរយៈពេលថ្មីៗនេះ ប្រធានគណបក្សស្ដីទី នៃបក្សប្រឆាំងមួយ នេះ បាន និងកំពុងប្រឈមមុខរឿងធំៗ ចំនួន២ ដែលនាំឱ្យមានការរិះគន់យ៉ាងខ្លាំង នោះ គឺការប្រឈមមុខប្រជាពលរដ្ឋស្ទើរ ទូ ទាំងប្រទេស ជាពិសេស អ្នកដែលធ្លាប់ឆ្លង កាត់សម័យប៉ុលពត ដែលលោកបាននិយាយ ថា គុកទួលស្លែងជាគុក សិប្បនិម្និតរៀបចំ ឡើង ដោយប្រទេសវៀតណាមហើយបាន ធ្វើឱ្យផ្ទុះបាតុកម្មនៅទូទាំងប្រទេសប្រឆាំងនឹងរូបលោក កាលពីថ្ងៃអាទិត្យ ទី០៩ ខែ មិថុនា ឆ្នាំ ២០១៣ កន្លងទៅ ។
ស្របពេលដែលមានបាតុកម្ម ដោយ អហិង្សា ប្រឆាំងមេដឹកនាំគណបក្សប្រឆាំង រូបនេះ លោក កឹម សុខា បានជួបប្រទះរឿង ផ្ទាល់ខ្លួនមួយទៀត គឺទាក់ទងនឹង ប្រពន្ធចុង រួមជាមួយម្ដាយក្មេក ព្រមទាំងកូនចិញ្ចឹម ២ នាក់ បានស្កាត់ទៅជួបលោកគ្រប់ទីកន្លែង ដើម្បីទារប្រាក់ ១ម៉ឺនដុល្លារក្នុងការចិញ្ចឹម កូន និងយកទៅព្យាបាល ជំងឺខ្លួនឯង៕
