យុវជន ១០នាក់ដេញវាយយុវជនម្នាក់រងរបួសធ្ងន់
Cambodia News
ភ្នំពេញ ៖ កាលពី វេលាម៉ោង២ និង១៥នាទីរំលងអធ្រាត្រឈានចូលថ្ងៃទី១៧ មិថុនា យុវជនម្នាក់ ត្រូវបានជនបង្ក១០នាក់ប្រដាប់ដោយដុំថ្ម ដុំឥដ្ឋ ដំបង គ្រប់ដៃដេញវាយជនរងគ្រោះដេកដួលក្នុងថ្លុកឈាម ស្ថិតនៅតាមផ្លូវបេតុងចូលទៅវត្តពោធិញ្ញាណ ក្នុងភូមិប្ញស្សី សង្កាត់ស្ទឹងមានជ័យ ខណ្ឌមានជ័យ ។
ប្រភពព័ត៌មានពីនគរបាលប៉ុស្តិ៍ស្ទឹងមានជ័យ បានឱ្យដឹងថា ជនទាំង២នាក់ក្រុមមិនដឹងថា មានទំនាស់គ្នាអ្វីទេ ស្រាប់តែមានការរត់ដេញវាយជនរងគ្រោះតែម្នាក់ឯងបែបនេះ ។
ក្រោយពេលកើតហេតុ បានទូរស័ព្ទហៅរថយន្តសង្គ្រោះមន្ទីរពេទ្យមិត្តភាពខ្មែរ-សូវៀតដឹក យកទៅព្យាបាល ប៉ុន្តែពេលរថយន្តមកដល់មុខខ្លោងទ្វារវត្តពោធិ៍ញ្ញាណ ស្រាប់តែរថយន្តធ្លាក់ជង្ហុកខូចបើកអត់ឆេះ ត្រូវសមត្ថកិច្ចអង្គុយរង់ចាំជិត២ម៉ោងទើបដឹងខ្លួន ត្រូវសមត្ថកិច្ចជួលរ៉ឺម៉កម៉ូតូដឹកជនរងគ្រោះយកទៅព្យាបាលនៅ មន្ទីរពេទ្យមិត្តភាពខ្មែរ សូវៀត ៕ ដោយ៖ ហេង នាង
