លោក ឈាង វុន ដេញលោក សុន ឆៃ ចេញពីរដ្ឋសភា
Cambodia News
ភ្នំពេញ: កាលពីព្រឹកថ្ងៃទី១០ ខែមិថុនា ឆ្នាំ២០១៣នេះ លោក ឈាង វុន ប្រធានគណៈកម្មការកិច្ចការបរទេស និងសហប្រតិបត្តិការអន្តរជាតិនៃរដ្ឋសភាកម្ពុជា បានបណ្តេញ លោក សុន ឆៃ ចេញពីសភា ខណៈពេលកំពុងធ្វើសន្និសីទកាសែត ស្តីពីការសម្រេចបង្កកប្រាក់ខែ និងបញ្ឈប់តួនាទីតំណាងរាស្ត្រ ២៩រូប មកពីគណបក្សសមរង្ស៊ី គណបក្សសិទ្ឋិមនុស្ស និងគណបក្សនរោត្តម រណប្ញទ្ធិ ។
មូលហេតុដែលបណ្តាលឲ្យលោក ឈាង វុន ដេញ លោក សុន ឆៃ គឺដោយសារលោក សុន ឆៃ គ្រោងនឹងធ្វើសន្និសីទ ពាក់ព័ន្ធទៅនឹងរដ្ឋសភា ក្នុងការសម្រេចបង្កកប្រាក់ខែ និងបញ្ឈប់តួនាទីតំណាងរាស្ត្រ ២៩រូប មកពីគណបក្សសមរង្ស៊ី គណបក្សសិទ្ឋិមនុស្ស និងគណបក្សនរោត្តមរណប្ញទ្ធិ។
លោក ឈាង វុន បានបន្តថា ដោយលោក សុន ឆៃ មិនមែនជាសមាជិកសភាទៀតទេ ដូច្នេះលោក សុន ឆៃ គ្មានសិទ្ធចូលរដ្ឋសភាទេ៕
