អូស្ត្រាលីបារម្ភថាជនស្វែងសុំសិទ្ធិជ្រកកោនជាច្រើននាក់ទៀតអាចនឹងលង់ទឹកស្លាប់
មានក្តីបារម្ភថា ជនស្វែងសុំសិទ្ធិជ្រកកោនជាច្រើននាក់ទៀត អាចនឹងលង់ទឹកស្លាប់ ក្នុងដំណើរមកកាន់ប្រទេសអូស្ត្រាលីតាមផ្លូវទឹក។
មន្ត្រី ប៉ូលិសសហព័ន្ធអូស្រ្តាលី បានបញ្ជាក់ថា នៅលើកោះ Cocos កាលពីថ្ងៃសុក្រ គេឃើញមានអាវការពារជីវិតសម្រាប់ការហែលទឹកចំនួន៨ ដែលក្នុងនោះ មានអាវមួយផ្ទុកក្រដាសប្រាក់មួយចំនួនតូចមកពីប្រទេសអ៊ីរ៉ង់។
ក្នុងរយៈពេល៣ថ្ងៃចុងក្រោយនេះ មន្ត្រីប៉ូលិសសហព័ន្ធអូស្រ្តាលីបានសហការជាមួយស្ថាប័នការពារ ព្រំដែន ដើម្បីព្យាយាមកំណត់ថាអាវការពារជីវិតទាំងនោះ មកពីណា។
សូមបញ្ជាក់ថា ជនស្វែងសុំសិទ្ធិជ្រកកោនរាប់រយនាក់ បានលង់ទឹកស្លាប់នៅពេលព្យាយាមធ្វើដំណើរមកកាន់ប្រទេសអូស្ត្រាលី ហើយគ្រោះថ្នាក់ដ៏ធំបំផុតមួយគឺការលិចនាវាឈ្មោះ SIEV X នៅឆ្នាំ២០០១ ដែលបណ្តាលឲ្យមនុស្សយ៉ាងតិច ៣៥៣នាក់បាត់បង់ជីវិត៕ (Radio Australia)