កំពុងអង្គុយសាសងគ្នាជាមួយសង្សា ត្រូវយុវជនមួយក្រុមកាប់ឲ្យរបួសធ្ងន់
ហេង នាង
Cambodia News
ភ្នំពេញ៖ កាលពីវេលាម៉ោង 3 នឹង 40នាទី ថ្ងៃទី22 ខែឧសភា យុវជនម្នាក់ ត្រូវយុវជនមួយក្រុមផ្សេងមកចាក់កាប់ បណ្តាលឲ្យរងរបួសយ៉ាងធ្ងន់ធ្ងរ ខណៈកំពុងអង្គុយសាសងគ្នាជាមួយគូរស្នេហ៍នៅលើសួនច្បារ មុខកាស៊ីណូណាហ្គាវើល ស្ថិតក្នុងសង្កាត់ទន្លេបាសាក់ ខណ្ឌចំការមន។
តាមប្រភពពត៌មានពីកន្លែងកើតហេតុបានឲ្យដឹងថា មុនពេលកើតហេតុ យុវជនរងគ្រោះបានមកអង្គុយសាសងគ្នាជាមួយគូរស្នេហ៍នៅលើសួនច្បារ ដោយពុំដឹងថាមានទំនាស់អ្វីឡើយ ទើបបានជាមានយុវជនក្រុមផ្សេងមកចាក់កាប់បណ្តាលឲ្យរងរបួសចំ ក្បាលពោះមួយកន្លែង ចំកដៃឆ្វេងមួយកន្លែង និងចំក្បាលមួយកន្លែងទៀត បណ្តាលឲ្យរងរបួសយ៉ាងធ្ងន់ធ្ងរ ត្រូវរថយន្តសាមុយដឹកយកទៅសង្គ្រោះនៅមន្ទីរពេទ្យកាល់ម៉ែត។
ក្រោយកើតហេតុ ក្រុមជនល្មើសបានរត់គេចខ្លួនបាត់អស់ភ្លាមៗ មុនពេលសមត្ថកិច្ច សមត្ថកិច្ចចុះទៅអន្តរាគមន៍ ដល់កន្លែងកើត។ នៅក្នុងហេតុការណ៍នេះសមត្ថកិច្ច មិនទាន់សនិ្នដ្ឋានថា កើតឡើងដោយសារមូលហេតុអ្វីច្បាស់លាស់នៅឡើយទេ ដោយសារជនរងគ្រោះទៅព្យាបាលរបួសបាត់ ដូច្នេះសមត្ថកិច្ចមិនទាន់បានសួរនាំអ្វីទាំងអស់៕
