ប្រទេសវៀតណាមធ្វើវិសោធនកម្មការដាក់ទោសប្រហារជីវិត
ប្រទេសវៀតណាមបានធ្វើវិសោធន កម្មច្បាប់ របស់ខ្លួនស្តីពីការកាត់ទោសប្រហារជីវិត ដើម្បីអនុញ្ញាតឲ្យមានការប្រើប្រាស់សារធាតុគីមីដែលផលិតក្នុង ស្រុកសម្រាប់ការចាក់ថ្នាំសម្លាប់។
គេ រំពឹងថាការធ្វើវិសោធនកម្មនេះនឹងធ្វើឲ្យមានការ សម្លាប់អ្នក ទោសឡើងវិញ បន្ទាប់ពីបានផ្អាកអស់រយៈពេលជិតពីរឆ្នាំកន្លងមក។
កាល ពីខែកក្កដា ឆ្នាំ ២០១១ ប្រទេសវៀតណាមបានបញ្ឈប់ការប្រើប្រាស់វិធីកាំភ្លើងបាញ់ សម្លាប់ អ្នកទោសប្រហារជីវិត ក្នុងហេតុផលមនុស្សធម៌ដោយប្រើវិធីសាស្ត្រចាក់ថ្នាំសម្លាប់វិញ ប៉ុន្តែកង្វះខាតខាងថ្នាំចាក់សម្លាប់សមស្រប បានធ្វើឲ្យប្រទេសនេះនៅសល់អ្នកទោសដែលត្រូវប្រហារជីវិតជាង ៥០០នាក់ទៀត។
ច្បាប់នេះនឹងចូលជាធរមាននៅថ្ងៃទី ២៧ ខែមិថុនា ដែលអនុញ្ញាតឲ្យគេប្រើប្រាស់ថ្នាំផលិតក្នុងស្រុកដើម្បីចាក់ សម្លាប់អ្នកទោស។ កាលពីមុនគេត្រូវនាំសារធាតុគីមីនេះចូលពីក្រៅប្រទេស៕ (Radio Australia)
