អាចស្លាប់ពី ៥០ ទៅ ៦០ នាក់ ក្នុងករណីបាក់ប្លង់សេ រោងចក្រស្បែកជើងនៅ កំពង់ស្ពឺ
Cambodia News
កំពង់ស្ពឺ៖ នាព្រឹកព្រលឹមថ្ងៃទី១៦ ខែឧសភា ឆ្នាំ២០១៣នេះ សង្ស័យមានអាចនឹងមានកម្មករជាច្រើននាក់ បានស្លាប់ និងរងរបួស បន្ទាប់ពីហេតុការណ៍បាក់ប្លង់សេ អគាររោងចក្រ ស្បែកជើង «វីងស្តាស៊ូ» ស្ថិតតាមបណ្តោយផ្លូវជាតិលេខ៣ នៅគីឡូម៉ែត្រលេខ៤៩ ក្នុងស្រុកគងពិសី ខេត្តកំពង់ស្ពឺ។
តាមសេចក្ដីរាយការណ៏បានឲ្យដឹងថា មានករណីបាក់ដំបូលប្លង់សេអគាររោងចក្រ សង្កត់លើកម្មករជារាប់រយនាក់ ដែលកំពុងបំពេញការងារក្នុង រោងចក្រស្បែកជើង «ស្តាវីងស៊ូ»។ តែជាជំហានដំបូងនេះ មិនទាន់ដឹងថា មានកម្មករស្លាប់ និងរបួសប៉ុន្មាន នាក់នោះទេ ពោលកម្លាំងសមត្ថកិច្ចចម្រុះ ព្រមទាំងមន្ត្រីអាជ្ញាធរក្នុងមូលដ្ឋានកំពុងជ្រោមជ្រែងជួយសង្រ្គោះក្រុម កម្មកររងគ្រោះ។
តាមសេចក្ដីរាយការណ៏បានឲ្យដឹងទៀតថា ពេលនេះក្រុមកម្មករជាច្រើននាក់ កំពុងតែជ្រួលច្របល់ពេញរោងចក្រ ដែលជាហេតុបង្កផលលំបាកដល់ សមត្ថកិច្ច ជួយសង្រ្គោះខ្លាំងណាស់។ ជំហានដំបូងកម្លាំងសមត្ថកិច្ច បានជួយកម្មករបានតែ៤-៦នាក់ប៉ុណ្ណោះ ពីក្នុងគំនរថ្ម នៅ សេសសល់ពី៥០ទៅ៦០នាក់ទៀត ដែលគេជឿថា អាចស្លាប់៕
