ស្លាប់ម្នាក់របួសធ្ងន់ម្នាក់ដោយរថយន្ដថយបុក
Cambodia News
ភ្នំពេញ ៖ កាលពីវេលាម៉ោងសូន្យរំលង អធ្រាត្រឈានចូលថ្ងៃទី១ ខែឧសភា នារី២នាក់ក្នុងនោះម្នាក់បាន ស្លាប់ភ្លាមៗនៅនឹងកន្លែងកើតហេតុនិងម្នាក់ទៀតរងរបួសធ្ងន់ខណៈជន រងគ្រោះ ទាំង២នាក់នេះបានជិះម៉ូតូ ត្រូវរថយន្ដធុនធំថយមិនប្រយ័ត្នបណ្ដាលឱ្យបុកស្ថិតនៅចំណុចមណ្ឌលបែងចែក ផលនេសាទ តាមបណ្ដោយផ្លូវជាតិលេខ៥ ក្នុងសង្កាត់ច្រាំងចំរេះ១ ខណ្ឌឫស្សីកែវ ។
រថយន្ដបង្កហេតុមិនត្រូវបានឃាត់ នោះទេ ដោយសារតែភ្លាមៗនោះអ្នក បើកបរបានបន្ថែមល្បឿនបើកគេចបាត់ តែគេដឹងថា ជារថយន្ដធុនធំដែលមាន ស្លាកលេខព្រះសីហនុ3A-0165 ។ ចំណែក ជនរងគ្រោះដែលស្លាប់ឈ្មោះឃ្លោក កញ្ញា ភេទស្រី អាយុ១៧ឆ្នាំ និងអ្នករួម ដំណើររបួសធ្ងន់ឈ្មោះចេង បុបា្ព អាយុ ១៦ឆ្នាំ អ្នកទាំង២ស្នាក់នៅផ្ទះជួល ក្នុងភូមិ២ សង្កាត់ជ្រោយចង្វា ខណ្ឌឫស្សី កែវ ជិះម៉ូតូ១គ្រឿងម៉ាកហ្វីណូ ពណ៌ ក្រហម ពាក់ស្លាកលេខភ្នំពេញ1AC-4217 ។
មុនពេលគ្រោះថ្នាក់គេបាន ឃើញរថយន្ដបង្កហេតុបានបើកថយ ក្រោយចេញពីមណ្ឌលបែងចែកផល នេសាទឡើងមកផ្លូវជាតិលេខ៥ ក្នុងទិស ដៅពីកើតឆ្ពោះទៅលិច ។ លុះមកដល់ ចំណុចខាងលើក៏បុកទៅម៉ូតូជនរងគ្រោះដែលកំពុងធ្វើដំណើរតាមបណ្ដោយ ផ្លូវ ជាតិលេខ៥ក្នុងទិសដៅពីជើងឆ្ពោះទៅ ត្បូងបណ្ដាលឱ្យអ្នកបើកបរម៉ូតូស្លាប់ ហើយអ្នករួមដំណើររងរបួសធ្ងន់៕ ហេង នាង
