វៀតណាមអាចអនុញ្ញាតឲ្យមនុស្សស្រឡាញ់ភេទដូចគ្នារៀបការតាមផ្លូវច្បាប់
មានការរំពឹងទុកថា អនុរដ្ឋមន្រ្ដីសុខាភិបាលនៃប្រទេសវៀតណាម នឹងចេញអនុសាសន៍អនុញ្ញាតឲ្យមនុស្សស្រឡាញ់មនុស្សភេទដូចគ្នា រៀបការតាមផ្លូវច្បាប់បាន នៅក្នុងអំឡុងពេលដែលលោកធ្វើសេចក្តីថ្លែងការណ៍មួយ ដែលជាការធ្វើវិសោធនកម្មច្បាប់គ្រួសារនិងអាពាហ៍ពិពាហ៍នៅក្នុង ថ្ងៃនេះ។
របាយការណ៍របស់បណ្តាញ ព័ត៌មាននិយាយថា លោក Nguyen Viet Tien នឹងថ្លែងឲ្យដឹងថា មនុស្សស្រឡាញ់មនុស្សភេទដូចគ្នាមានសិទ្ធិដូចជាមនុស្សដទៃទៀតដែរ ក្នុងការផ្ដល់ក្ដីស្រឡាញ់ និងទទួលក្ដីស្រឡាញ់ ព្រមទាំងរៀបអាពាហ៍ពិពាហ៍។
ក្រសួង យុត្តិធម៌វៀតណាម បានចាប់ផ្ដើមធ្វើការប្រឹក្សាយោបល់ស្ដីពីអាពាហ៍ពិពាហ៍រវាង មនុស្សប្រតិព័ទ្ធមនុស្សភេទដូចគ្នា កាលពីខែកក្កដាឆ្នាំមុន ហើយនាពេលថ្មីៗនេះក្រសួងយុត្តិធម៌បានលប់ចោលការផាកពិន័យចំពោះ ដៃគូមេត្រីដែលមានភេទដូចគ្នា ដែលគេចាប់បាននៅពេលពួកគេរៀបការ៕(Radio Australia)