នៅយប់នេះអូស្ត្រាលីនឹងមានប្រជាពលរដ្ឋចំនួន ២៣លាននាក់
ចំនួន ប្រជាពលរដ្ឋអូស្ត្រាលីនឹងមានចំនួនគ្រប់ ២៣លាននាក់នៅយប់នេះ ដែលនឹងធ្វើឲ្យប្រទេសអូស្ត្រាលីក្លាយជាប្រទេសមួយដែលមានកំណើន ប្រជាពលរដ្ឋលឿនជាងគេបំផុតនៅក្នុងចំណោមប្រទេសអភិវឌ្ឍន៍ជឿនលឿន ក្នុងពិភពលោក។
តួលេខរបស់រដ្ឋាភិបាល អូស្ត្រាលីបង្ហាញថា ក្នុងរយៈពេល ១២ខែមុននេះ មានការកើនឡើងយ៉ាងខ្លាំងនៃការប្រសូត្របុត្រ និងការកើនឡើងដែលគួរឲ្យកត់សម្គាល់នៃចំនួនមនុស្សដែលបានផ្លាស់ ប្ដូរទីលំនៅពីបរទេសមករស់នៅក្នុងប្រទេសអូស្ត្រាលី។
លោក Mark McCringle អ្នកជំនាញសិក្សាស្រាវជ្រាវពីប្រជាសាស្ត្រ មានប្រសាសន៍ថា ចំនួននៃទេសន្តរប្រវេសន៍មកធ្វើការនៅក្នុងប្រទេសអូស្ត្រាលីគឺបាន កើនឡើងពីចំនួន ៥៤%កាលពីឆ្នាំមុនមកចំនួន ៦០%នោះក្នុងឆ្នាំនេះ។
លោកមានប្រសាសន៍ថា ប្រទេសអូស្ត្រាលីគឺបានចំណាត់ថ្នាក់លើគេក្នុងចំណោមប្រទេស អភិវឌ្ឍន៍ ដោយមានកំណើនប្រជាពលរដ្ឋច្រើនជាងគេនៅពេលបច្ចុប្បន្ននេះ។ អត្រាកំណើនពល រដ្ឋក្នុងពិភពលោកបច្ចុប្បន្នគឺ ១.១%ក្នុងមួយឆ្នាំ ហើយប្រទេសអូស្ត្រាលីមានអត្រា ១.៧% ដែលតួលេខគឺបាននាំមុខក្នុងចំណោមប្រទេសអភិវឌ្ឍន៍៕(Radio Australia)