នគរបាល នឹងពង្រឹងសន្តិសុខបន្ថែម នាឱកាសចូលឆ្នាំថ្មី
Cambodia News
ភ្នំពេញ៖ កាលពីថ្ងៃទី៩ មេសា ២០១៣ អគ្គស្នងការរងនគរបាលជាតិ និងស្នងការនគរបាលរាជធានីភ្នំពេញលោក ជួន សុវណ្ណ បានថ្លែងថា កងកម្លាំងប្រដាប់អាវុធទាំងអស់ត្រូវបានតម្រូវឲ្យយកចិត្តទុកដាក់ពង្រឹង កិច្ចការពារសន្តិសុខនាឱកាសចូលឆ្នាំថ្មី និងក្នុងដំណើរការបោះឆ្នោត ដោយគ្មានការរើសអើងគណបក្សនយោបាយឡើយ។
លោកបន្តថា មន្ត្រីនគរបាលត្រូវតែខិតខំការពារសន្តិសុខនៅក្នុងពីធីបុណ្យចូលឆ្នាំ ខ្មែរប្រពៃណីជាតិឲ្យបានល្អ ដើម្បីឲ្យប្រជាពលរដ្ឋ និងភ្ញៀវទេសចរជាតិ-អន្តរជាតិដើរកំសាន្ត ទទួលបានសុវត្ថិភាព និងសប្បាយរីករាយក្នុងឱកាសចូលឆ្នាំថ្មី។
ចំពោះដំណើរការបោះឆ្នោតជ្រើសតាំងសមាជិកសភានៅថ្ងៃទី២៨ខែកក្កដា ឆ្នាំ២០១៣នោះ លោកបានលើកឡើងថា វា គឺជាកិច្ចកាសំខាន់បំផុត ដែលកងកម្លាំងនគរបាលត្រូវតែខិតខំពុះពារ ថែររក្សាសន្តិសុខឲ្យបានល្អដើម្បីឲ្យការបោះឆ្នោតទទួលបានជោគជ័យ៕
