មេដឹកនាំពិភពលោកចូលរួមរំលែកទុក្ខមរណភាពលោកស្រី Margaret Thatcher
លោក John Howard អតីតនាយករដ្ឋមន្រ្ដីអូស្រ្ដាលី គឺជាឥស្សរជនម្នាក់ក្នុងចំណោមបណ្ដាមេដឹកនាំពិភពលោកដែលបានចូល រួមរំលែកមរណទុក្ខរបស់លោកស្រី Margaret Thacher អតីតនាយករដ្ឋមន្រ្ដីចក្រភពអង់គ្លេស ដែលបានកាន់អំណាចពីឆ្នាំ១៩៧៩ ដល់ឆ្នាំ១៩៩០។
លោកស្រី អភិជន Margaret Thatcher បានទទួលអនិច្ចកម្មកាលពីយប់មិញក្នុងជន្មាយុ៨៧ឆ្នាំ នៅក្នុងក្រុងឡុងដ៍ប្រទេសអង់គ្លេសដោយសារដាច់សរសៃឈាមខួរក្បាល ឬស្រ្ដូក។
លោកស្រី Julia Gillard នាយករដ្ឋមន្រ្ដីអូស្រ្ដាលីបច្ចុប្បន្នមានប្រសាសន៍ថា លោកស្រី Margaret Thatcher គឺជាស្រ្ដីដំបូងគេនៅក្នុងប្រវត្ដិសាស្រ្ដអង់គ្លេសដ៏សំខាន់ដែល បានជាប់ឆ្នោតជានាយករដ្ឋមន្រ្ដី។
លោក David Cameron នាយករដ្ឋមន្រ្ដីអង់គ្លេសបច្ចុប្បន្នមានប្រសាសន៍ថា អស់ពេលច្រើនឆ្នាំកន្លងមកនេះលោកស្រីគឺជាមនុស្សគំរូជួយជំរុញលើក ទឹកចិត្ដ។
យ៉ាងណាក៏ដោយ លោក John Howard មានប្រសាសន៍ថា ក្រោមការដឹកនាំរបស់លោកស្រី Margaret Thatcher ប្រទេសអង់គ្លេសបានធ្វើការផ្លាស់ប្ដូរប្រទេសឲ្យមានការរីក ចម្រើនល្អជារហូតមក៕(Radio Australia)
