រថយន្តធុនធ្ងន់បុករទេះលក់លតឆា និងកិនម៉ូតូ ៤គ្រឿង
Cambodia News
ភ្នំពេញ៖ កាលពីវេលាម៉ោង៣ និង ១៥នាទី រសៀល ថ្ងៃទី២ ខែមេសារ ថយន្តធុនធ្ងន់មួយគ្រឿង បានជ្រុលចង្កូតទៅបុក រទេះលក់លតឆា មីឆា និងជ្រុល ទៅបុកម៉ូតូចំនួន ៤គ្រឿង ដែលគេចតចោល នៅខាងមុខហាងកាហ្វេយីហោ សុខ ណា តាមបណ្ដោយ ផ្លូវលេខ២៧១ សង្កាត់ទំនប់ទឹក ខណ្ឌចំការមន ដោយសារម្ចាស់បើកបរទាំងអាការ ងងុយដេក តែមិនបណ្ដាលឲ្យមានមនុស្សណាម្នាក់ រងគ្រោះថ្នាក់នោះទេ។
មុនពេលកើតហេតុ គេឃើញរថយន្តបង្កខាងលើ ម៉ាក FUSO ពណ៌ស ពាក់ស្លាកលេខ ភ្នំពេញ 3B-5072 បើកបរតាមបណ្ដោយផ្លូវ លេខ២៧១ ក្នុងទិសដៅពីលិចមកកើត លុះមកដល់ចំណុចកើតហេតុ ដោយមានអាការងងុយដេកមួយភាំង ក៏រេចង្កូតទៅបុកនឹងរទេះលក់មីឆា លតឆាមួយ និងជ្រុលទៅបុកម៉ូតូចំនួន ៤គ្រឿងទៀត រួមមានទី១ម៉ាក សេ១២៥ ពណ៌ខ្មៅ ពាក់ស្លាកលេខ តាកែវ 1E-0413 ទី២ ម៉ាកវីវ៉ា ពណ៌ខ្មៅ ពាក់ស្លាកលេខ ភ្នំពេញ 1D-4396 ទី៣ ម៉ាកស្កុបពី ពណ៌ក្រហម ពាក់ស្លាក លេខ ភ្នំពេញ 1BP-9467 និងទី៤ ម៉ាកសេ១២៥ ពណ៌ក្រហម ពាក់ស្លាកលេខ សៀមរាប 1F- 9032 តែមិនបណ្ដាល ឲ្យមនុស្ស ណាម្នាក់រងគ្រោះថ្នាក់នោះទេ៕ ហេង នាង
