លោកហ៊ុន សែន អំពាវឲ្យពលរដ្ឋចូលព្យាបាលនៅមន្ទីរពេទ្យជោរៃ
ភ្នំពេញ(១៣ មករា ២០១៤) ៖ ថ្លែងក្នុងពិធីបើកសម្ពោធឲ្យប្រើប្រាស់មន្ទីរទេព្យជោរៃ សាខានៅភ្នំពេញ នាថ្ងៃទី១៣ ខែមករានេះ លោកនាយករដ្ឋមន្ត្រីហ៊ុន សែន អំពាវនាវឲ្យប្រជាពលរដ្ឋជ្រើសរើសមន្ទីរពេទ្យជោរៃ របស់វៀត ណាម សាខានៅកម្ពុជា ដែលបើកសម្ពោធឲ្យដំណើរការនៅថ្ងៃចន្ទនេះ ដើម្បីថែទាំសុខ ភាព ឲ្យបានកាន់ប្រសើរ។
លោកនាយក រដ្ឋមន្ត្រីហ៊ុន សែន លើកឡើងថា ប្រជាពលរដ្ឋដែលនិយមទៅព្យាបាលជំងឺនៅវៀតណាមពីមុន ឥឡូវអាចជ្រើសរើសការព្យាបាល នៅមន្ទីរពេទ្យជោរៃក្នុងខណ្ឌច្បារអំពៅ រាជធានីភ្នំពេញបាន។ លោកបន្តថា ការជ្រើសរើសយកពេទ្យជោរៃនៅភ្នំពេញ នាំឲ្យប្រជាពលរដ្ឋទទួលបានការថែទាំសុខភាពល្អ និងចំណេញពេលវេលា។
មន្ទីរពេទ្យ ជោរៃនៅក្នុងខណ្ឌច្បារអំពៅ ជាសាខារបស់ពេទ្យវៀតណាម ដែលបើកឲ្យប្រើប្រាស់ចាប់ពីថ្ងៃទី១៣ ខែមករានេះ មានគ្រែសម្រាប់ឲ្យអ្នកជំងឺសម្រាក៣០០ ហើយជំហានបន្ទាប់ពេទ្យនេះ នឹងបង្កើនឲ្យដល់៥០០គ្រៃ សម្រាប់អ្នកជំងឺសម្រាក៕
