បុរសម្នាក់ស្រវឹង ជិះម៉ូតូទៅបុកម៉ូតូពីរគ្រឿងបណ្តាលឲ្យបុរសម្នាក់បាក់ជើងម្ខាង
Cambodia News
ភ្នំពេញ៖ កាលពីម៉ោង២១ និង១៥នាទីយប់ ថ្ងៃទី៣១ ខែមីនា បុរសម្នាក់បើកបរទាំងស្រវឹង ទៅបុកម៉ូតូពីរគ្រឿង ស្ថិតនៅចំណុចមុខផ្ទះសំណាក់អាស៊ាន លើកំណាត់ផ្លូវលេខ៤៧ ក្នុងសង្កាត់ស្រះចក ខណ្ឌដូនពេញ បណ្តាលឲ្យម្ចាស់ម៉ូតូម្នាក់ រងរបួសធ្ងន់ ចំណែកជនបង្កបានរត់គេចខ្លួនបាត់។
មុនកើតហេតុ ម៉ូតូវីវ៉ាពណ៌ខ្មៅ ពាក់ស្លាកលេខ ភ្នំពេញ 1N-7435 បើកបរដោយបុរសប្រមឹកម្នាក់ និងមានអ្នករួមដំណើរជាមួយ២នាក់ទៀត តាមបណ្តោយផ្លូវលេខ៤៧ ក្នុងទិសដៅត្បូងទៅជើង លុះបើកដល់ចំណុចមុខផ្ទះសំណាក់អាស៊ាន ក៏ជិះទៅបុក ម៉ូតូC100 ពាក់ស្លាកលេខ ភ្នំពេញ 1BL-6125 បើកបរដោយបុរសម្នាក់ ច្រាសទិសគ្នា បណ្តាលឲ្យបុរសម្ចាស់ម៉ូតូC100 បាក់ជើងស្តាំ រួចបន្តទៅបុកម៉ូតូគុបជ្រុង ពណ៌ទឹកប៉ិច ពាក់ស្លាកលេខ ភ្នំពេញ 1H-4228 បណ្តាលឲ្យម្ចាស់ម៉ូតូគុបរងរបួសស្រាល។
ក្រោយកើតហេតុភ្លាមៗ ជនរងគ្រោះបាក់ជើងស្តាំត្រូវបានរថយន្តសង្គ្រោះបន្ទាន់ដឹកយកទៅព្យាបាល នៅគ្លីនិកឯកជនមួយ ចំណែក ជនបង្កបានរត់គេចខ្លួនបាត់។ បច្ចុប្បន្នម៉ូតូC100 និងម៉ូតូជនបង្ក ដែលរត់គេចខ្លួន ត្រូវសមត្ថកិច្ចយកទៅរក្សាទុកនៅអធិការដ្ឋានខណ្ឌដូនពេញ ដើម្បីរងចាំការដោះស្រាយតាមផ្លូវច្បាប់៕ ហេង នាង
