ខ្យល់ព្យុះទន្ទ្រានទៅលើសង្កាត់សម្បូរខ្មែររស់នៅក្នុងរដ្ឋក្រុង Brisbane
ខ្យល់ព្យុះកាលពីថ្ងៃអាទិត្យ បានបណ្ដាលឲ្យពលរដ្ឋប្រមាណជា ៤ម៉ឺនគ្រូសារនៅតំបន់អាគ្នេយ៍នៃរដ្ឋ Queensland គ្មានអគ្គិសនីប្រើប្រាស់ជាច្រើនម៉ោង។
ព្យុះធំៗចំនួនបួនដែលមានល្បឿន ៩០គីឡូម៉ែត្រក្នុងមួយម៉ោង បានបក់គួចផ្ដួលរំលំដើមឈើ និងបង្កការខូចខាតដល់ខ្សែបញ្ជូនអគ្គិសនីនៅទីកន្លែងមួយចំនួននៅ ក្នុង ក្រុង Brisbane រួមមានសង្កាត់ Logan ដែលសម្បូររស់នៅ និងនៅតាមទីប្រជុំជនដទៃទៀត។
លោក Mike Shapland មកពីក្រុមជួយសង្គ្រោះគ្រាអាសន្នរដ្ឋ Queensland មានប្រសាសន៍ថា ការខូចខាតភាគច្រើនបំផុតគឺកើតមានឡើងនៅទីក្រុង Logan ភាគខាងត្បួងទីក្រុង Brisbane ។
ប៉ុន្តែលោក សាន់ សារ៉ាត ប្រធានសមាគមខ្មែរនៅរដ្ឋ Queensland បានមានប្រសាសន៍ប្រាប់ Radio Australia នៅព្រឹកមិញនេះថា ព្យុះកាលពីយប់មិញនេះពុំបណ្ដាលឲ្យមានគ្រោះថ្នាក់ដល់ពលរដ្ឋ ខ្មែរដែលរស់នៅរដ្ឋ Queensland នេះទេបើតាមលោកដឹង។ ទោះជាយ៉ាងនេះក្ដី នៅសង្កាត់ Marsden នៃទីក្រុង Logan ដែលសម្បូរដោយប្រជាពលរដ្ឋខ្មែររស់នោះបានដាច់ចរន្តអគ្គិសនី ដែលធ្វើឲ្យសាលាMarsden State School បានបិទនៅថ្ងៃនេះ៕(Radio Australia)