បទវិភាគ៖ផែនការអភិវឌ្ឍន៍ ៥ ឆ្នាំទី ១ត្រូវបានប្រកាស “គជ់បូព៌ា”អបអរសាទរទទួលផែនការគោលនយោបាយអភិវឌ្ឍថ្មី
Cambodia News
នៅថ្ងៃទី ១៦ខែកញ្ញា ហុងកុងដែលត្រូវបានប្រសិទ្ធនាមថា “គជ់បូព៌ា”បានអបអរសាទរទទួលផែនការគោលនយោបាយការអភិវឌ្ឍសេដ្ឋកិច្ចនិងសង្គមថ្មី ។
នៅថ្ងៃដដែល តំបន់រដ្ឋបាលពិសេសហុងកុងនៃប្រទេសចិនបានប្រកាសនូវ«ផែនការ ៥ ឆ្នាំទី ១ស្តីពីការអភិវឌ្ឍសេដ្ឋកិច្ច និងសង្គមនៃតំបន់រដ្ឋបាលពិសេសហុងកុង(ឆ្នាំ ២០២៦-២០៣០)» ។ នេះជាលើកទីមួយហើយដែលតំបន់រដ្ឋបាលពិសេសហុងកុងធ្វើ ការរចនាពីលំដាប់កំពូលដោយគ្រប់ជ្រុងជ្រោយ អំពីការអភិវឌ្ឍសេដ្ឋកិច្ចនិងសង្គម ដែលបានកំណត់យ៉ាងច្បាស់លាស់នូវគោលដៅសំខាន់ៗ យុទ្ធសាស្ត្រសំខាន់ និងមធ្យោបាយអនុវត្ត ផែនការនេះមានអត្ថន័យដ៏ជ្រាលជ្រៅជានិមិត្តសញ្ញាចំពោះការជំរុញការអនុវត្តគោលការណ៍ “ប្រទេសមួយប្រព័ន្ធគ្រប់គ្រងពីរ” ។
លោក Lee Ka Chiu អភិបាលនៃតំបន់រដ្ឋបាលពិសេសហុងកុងបានថ្លែងថា ការគ្រោងផែនការអភិវឌ្ឍរយៈពេល៥ឆ្នាំ គឺជាតម្រូវការជាយុទ្ធសាស្ត្រសម្រាប់ឱ្យក្រុងហុងកុងតភ្ជាប់ដោយស្វ័យម្ចាស់ការជាមួយផែនការយុទ្ធសាស្ត្រអភិវឌ្ឍន៍ជាតិ ក៏ដូចជារួមបញ្ចូលគ្នា និងបម្រើដល់ការអភិវឌ្ឍទូទៅរបស់ប្រទេសជាតិឱ្យបានល្អ ហើយក៏ជាកម្មវិធីគោលនយោបាយប្រតិបតិ្ត ដើម្បីប្រមូលផ្តុំគំនិតឯកភាពរួមក្នុងសង្គម ធ្វើឱ្យកម្លាំងមកពីគ្រប់វិស័យសាមគ្គីគ្នា ជំរុញឱ្យហុងកុងប្រែក្លាយពីការគ្រប់គ្រង់ទៅដល់ទទួលវិបុលភាព និងសម្រេចបាននូវការអភិវឌ្ឍប្រកបដោយគុណភាពខ្ពស់។
សូមបញ្ជាក់ថា ឆ្នាំនេះ ជាឆ្នាំដែលប្រទេសចិនចាប់ផ្តើមអនុវត្តផែនការអភិវឌ្ឍន៍ជាតិ៥ឆ្នាំទី១៥ ការអភិវឌ្ឍរបស់ហុងកុងក៏បានប្រឈមមុខកាលានុវត្តភាពដ៏សំខាន់ ។ ការតភ្ជាប់ជាមួយផែនការអភិវឌ្ឍន៍ជាតិ៥ឆ្នាំទី១៥យ៉ាងសកម្ម មានអំណោយផលដល់ហុងកុង ក្នុងការស្វែងរកទិសដៅរបស់ខ្លួន ក្នុងការអភិវឌ្ឍទូទៅរបស់ប្រទេសជាតិ និងនិម្មាបនកម្មប្រកួតប្រជែងអន្តរជាតិ ដើម្បីទទួលបានលំហអភិវឌ្ឍកាន់តែធំទូលំទូលាយ ។
បើអានផែនការនេះឲ្យបានលម្អិតអាចរកឃើញថា លក្ខណៈពិសេសដ៏លេចធ្លោបំផុតរបស់ផែនការនេះ គឺបានផ្តោតសំខាន់ទៅលើស្ថានការណ៍ទូទៅនៃយុទ្ធសាស្ត្រអភិវឌ្ឍន៍ជាតិ៥ឆ្នាំទី១៥ បង្ហាញឱ្យឃើញនូវគំនិតយុទ្ធសាស្ត្ររបស់ហុងកុងដែលមានភាពប្រទាក់ក្រឡាគ្នាជាមួយការអភិវឌ្ឍជាតិ ដែលបានឆ្លុះបញ្ចាំងឲ្យឃើញថាហុងកុងដើរទន្ទឹមជាមួយការគិតបែបយុទ្ធសាស្រ្តនៃការអភិវឌ្ឍជាតិ
ផែនការអភិវឌ្ឍន៍ជាតិ៥ឆ្នាំទី១៥ បានកំណត់តួនាទីជាយុទ្ធសាស្ត្ររបស់ហុងកុង ពោលគឺ “មជ្ឈមណ្ឌលបួន ទីខ្ពស់មួយ” ដែលបានគ្របដណ្តប់លើ៖ ការពង្រឹង និងលើកកម្ពស់ឋានៈរបស់ហុងកុង ដែលជាមជ្ឈមណ្ឌលហិរញ្ញវត្ថុ មជ្ឈមណ្ឌលដឹកជញ្ជូន និងពាណិជ្ជកម្មអន្តរជាតិ មជ្ឈមណ្ឌលអាកាសចរណ៍អន្តរជាតិ និងកសាងមជ្ឈមណ្ឌលនវានុវត្តន៍ និងបច្ចេកវិទ្យាអន្តរជាតិ ព្រមទាំងបង្កើតទីខ្ពស់សម្រាប់ប្រមូលផ្តុំធនធានមនុស្សអន្តរជាតិលំដាប់ខ្ពស់។
ក្នុងនាមជាអង្គភាពសេដ្ឋកិច្ចសេរីបំផុតលើពិភពលោក និងជាមជ្ឈមណ្ឌលហិរញ្ញវត្ថុអន្តរជាតិឈានមុខគេ ប៉ុន្មានឆ្នាំចុងក្រោយនេះ ហុងកុងបានចុះហត្ថលេខាលើកិច្ចព្រមព្រៀងពាណិជ្ជកម្មសេរីជាមួយប្រទេសចំនួន១៤ ដែលចូលរួមគំនិតផ្តួចផ្តើមស្តីពីការរួមគ្នាកសាងខ្សែក្រវាត់និងផ្លូវ និងបានចុះហត្ថលាខាលើកិច្ចព្រមព្រៀងវិនិយោគជាមួយអង្គភាពសេដ្ឋកិច្ចចំនួនប្រហែល២០ ដែលចូលរួមគំនិតផ្តួចផ្តើមស្តីពីការរួមគ្នាកសាងខ្សែក្រវាត់និងផ្លូវ ដែលបានអភិវឌ្ឍទៅជាចំណុចកណ្តាលដ៏សំខាន់មួយ ដែលបានដើរតួនាទីផ្សព្វផ្សាយ និងជំរុញដល់ទីផ្សារនៅអាស៊ីអាគ្នេយ៍ អាស៊ីខាងលិច និងអាមេរិកខាងត្បូង។ វិធានការហិរញ្ញវត្ថុ ពាណិជ្ជកម្ម និងនវានុវត្តន៍មួយចំនួនដែលមានចែងក្នុងផែនការប្រាំឆ្នាំដំបូងនេះនឹងពង្រឹងតួនាទីជា”អ្នកភ្ជាប់ទំនាក់ទំនងដ៏អស្ចារ្យ”របស់ហុងកុងបន្ថែមទៀត។
រយៈពេលប្រាំឆ្នាំខាងមុខមិនត្រឹមតែជារយៈពេលគន្លឹះសម្រាប់ប្រទេសចិនដើម្បីសម្រេច
បាននូវមូលដ្ឋានគ្រឹះដ៏រឹងមាំនៃការកសាងទំនើបកម្មសង្គមនិយមប៉ុណ្ណោះទេ ថែមទាំងជារយៈពេលមាសសម្រាប់តំបន់រដ្ឋបាលពិសេសហុងកុង ដើម្បីសម្រេចបាននូវការអភិវឌ្ឍប្រកបដោយគុណភាពខ្ពស់ផងដែរ។ អាចរំពឹងថា ក្រោមការដឹកនាំរបស់ផែនការប្រាំឆ្នាំដំបូងនេះ ហុងកុងនឹងបន្តពង្រីកឧត្តមភាពរបស់ខ្លួន ពោលគឺ “ពឹងផ្អែកលើមាតុប្រទេស និងតភ្ជាប់ជាមួយពិភពលោក” ដើម្បីបង្ហាញបន្ថែមទៀតពីឧត្តមភាព និងភាពរស់រវើករបស់គោលការណ៍ណែនាំស្តីពី”ប្រទេសមួយ ប្រព័ន្ធគ្រប់គ្រងពីរ”៕
