វ៉ាង ស្រីណូ មិនទាន់វិលចូលសិល្បះតាមការសន្យា
Cambodia News
ភ្នំពេញ៖ នៅមុននេះតារាសម្តែងដែលល្បីល្បាញខាងបង្ហាញដើមទ្រូង នាង វ៉ាង ស្រីណូ បានប្រកាសក្តែងៗថា នាងនឹងវិលមកកាន់សង្វៀនសិល្បះជាថ្មី ក្រោយពីនាងបានស្ងប់ស្ងាត់មួយរយះធំ ក្រោមព្យុះភ្លៀងនៃរឿងអាស្រូវ។ ប៉ុន្តែរហូតមកដល់ពេលនេះនាងនៅតែមិនទាន់អាចលេចមុខនៅក្នុងកម្មវិធីសិល្បះណាមួយនៅឡើយទេ ខណះពេលដែលតារាចាស់ថ្មីជាច្រើនកំពុងតែប្រជែងគ្នាចាប់យកឱកាសបង្ហាញមុខតាមកញ្ចក់ទូរទស្សន៍នោះ។
ការអវត្តមានយ៉ាងយូរពីសង្គមសិល្បះខ្មែររបស់វ៉ា ស្រីណូ ធ្វើឲ្យទស្សនិកជនយល់ថា នាងប្រហែលជាបាយៗលាដើរចេញឆ្ងាយពីវិថីសិល្បះដោយមិនត្រឡប់ក្រោយ បន្ទាប់ពីនាងបានទទួលរងនូវព័ត៌មានអាស្រូវជាច្រើននោះ។ ម្យ៉ាងទៀតមូលហេតុចម្បងដែលធ្វើឲ្យតារាសម្តែងដែលចូលចិត្តពើងទ្រូងមិនស្វាគមន៍អ្នកសារព័ត៌មានរូបនេះវិលមកកាន់សិល្បះវិញបានគឺដោយសារចំណងស្នេហ៍របស់នាងជាមួយឧកញ៉ាត្បូងពេជ្រដែលបានចងជើងនាងមិនអាចវិលមកវ័យមួយនេះវិញបាន។
ប៉ុន្តែអ្វីដែលធ្វើមានការភ្ញាក់ផ្អើលនោះតារាសម្តែងដែលមានដើមទ្រូងមូលក្តុំរូបនេះបានប្រកាសប្រាប់អ្នកសារព័ត៌មាននៅក្នុងពិធីមួយរបស់អ្នកសិល្បះដូចគ្នាថា នាងមិនវិលមកកាន់សិល្បះជាថ្មីនៅក្នុងពេលឆាប់នេះ។
ការអះអាងបែបនេះរបស់វ៉ាង ស្រីណូ ធ្វើឡើងបន្ទាប់ពីនាងបានបង្ហាញខ្លួនជាញឹកញាប់ឡើងវិញនៅក្នុងពិធីជួបជុំអ្នកសិល្បះដូចគ្នា និងគម្រោងបើកហាងកែសម្ជស្សរបស់នាងដែលគ្រោងនឹងដំណើរការនៅមុនបុណ្យចូលឆ្នាំខ្មែរនោះ។
ទោះជាយ៉ាងណាបន្ទាប់ពីការប្រកាសនោះនាង វ៉ាង ស្រីណូ នៅមិនទាន់បង្ហាញវត្តមាននៅក្នុងកម្មវិធីសិល្បះរបស់ស្ថានីយទូរទស្សន៍ណាមួយនៅឡើយទេ ធ្វើឲ្យគេយល់ថា នាងនៅតែមានរនាំឃាំងឃាត់ដែលធ្វើឲ្យនាងនៅមិនទាន់អាចបង្ហាញវត្តមានជាថ្មីនេះបាន។
បើយោងតាមប្រភពពីក្នុងចង្កោមអ្នកសិល្បះដែលស្និតនិងនាង វ៉ាង ស្រីណូ បានបង្ហើបឲ្យដឹងថា ចាប់តាំងពីតារារូបនេះបានប្រកាសវិលចូលសិល្បះជាថ្មីនោះ មានបណ្តាលស្ថានីយទូរទស្សន៍ចំនួន៣បានធ្វើការទាក់ទងនាងឲ្យឡើងច្រៀង ក៍ប៉ុន្តែនាងបានធ្វើការបដិសេធចោលទាំងអស់ ។ ដោយឡែកក៍មានស្ថានីយទូរទស្សន៍មួយផ្សេងទៀតបានទាក់ទងនាងឲ្យធ្វើជាពិធីការិនីផងដែរ តែនាងនៅតែបដិសេធដដែល ដោយសារនាងយល់ថា ឱកាសបង្ហាញមុខជាថ្មីរបស់នាងគឺមិនមែនក្នុងពេលនេះឡើយ។ប្រភពដដែលបានបញ្ជាក់ថា មូលហេតុចម្បងដែលធ្វើឲ្យនាងមិនអាចចេញមុខបាននាពេលនេះគឺដោយសារតែហាងសំអាងការរបស់នាងមិនទាន់អាចដំណើរការ ហើយនាងត្រូវការដំឡើងហាងនោះឲ្យហើយនៅមុនចូលឆ្នាំខ្មែរ។ប្រសិនបើហាងនោះបានដំណើរការបានតាមការគ្រោងទុកមែននោះ នាងអាចនឹងចេញមុខស្របគ្នាតែម្តង ដើម្បីជម្រុញដល់មុខរបរថ្មីរបស់នាងនាពេលនេះ។
យ៉ាណាក៍ដោយការវិលចូលសិល្បះវិញបានឬមិនបាននៅតែជាមន្ទិលសង្ស័យសម្រាប់ទស្សនិកដ៏ដែល ខណះពេលដែលប្រជាប្រិយភាពរបស់នាងស្ទើរតែរលប់បាត់ពីអារម្មណ៍ទស្សនិកទៅហើយនោះ ចាប់តាំងពីរូបនាងមិនសូវជាមានការចុះផ្សាយតាមបណ្តាញសារព័ត៌មាន និងទស្សនាវដ្តីនៅក្នុងស្រុក ដោយសារតែតារារូបនេះតែងតែមិនទទួលស្វាគមន៍ចំពោះការសាកសួរពីអ្នកសារព័ត៌មាននោះ៕ ស.រ
