អ.ស.ប. បរិហារការរើសអើងប្រឆាំងជនភាគតិច Rohingyasនៅភូមា
នៅ ក្នុងរបាយការណ៍មួយរបស់អ្នក រាយការណ៍ពិសេសរបស់អង្គការសហប្រជា ជាតិទទួលបន្ទុកសិទ្ធមនុស្សនៅ ភូមាTomas Ojea Quintana បានតឿនរំលឹកដល់ភូមាកាលពីថ្ងៃចន្ទម្សិលមិញ ឲ្យបញ្ឈប់រាល់ការរើសអើងប្រឆាំងនឹងជនជាតិភាគតិច Rohingyas ដែលជាអ្នកកាន់សាសនាអ៊ីស្លាម។ លោក Tomas Ojea Quintana បានអះអាងទៀតថា” រដ្ឋាភិបាលភូមា ចាំបាច់ត្រូវតែដោះស្រាយបញ្ហានេះសិន ដើម្បីកុំឲ្យដំណើរការធ្វើកំណែទម្រង់ភូមាចោទជាបញ្ហា”។
ដោយ ដាក់ជូនរបាយការណ៍ចុងក្រោយមួយរបស់ខ្លួនដល់ក្រុមប្រឹក្សាអសប ទទួលបន្ទុកសិទ្ធមនុស្ស លោក Tomas Ojea Quintana បានវាយតម្លៃថា បញ្ហាសំខាន់ខ្លះៗនៅក្នុងវិស័យសិទ្ធិមនុស្សនៅប្រទេសភូមានៅមិន បានទាន់ដោះស្រាយនៅឡើយទេ បែបយ៉ាងការរើសអើងប្រឆាំងនឹងជនជាតិភាគតិច Rohingyasនៅក្នុងរដ្ខRhkhine ជាដើម។
អ្នក រាយការណ៍ពិសេសរបស់អសប បានថ្លែងបន្តទៀតថា “គឺដល់ពេលហើយសំរាប់អាជ្ញាធរភូមា ក្នុងការដោះស្រាយបញ្ហារើសអើង ទាំងនេះ ដើម្បីកុំឲ្យដំណើរការធ្វើកំណែទម្រង់ មានភាពផុយស្រួយ។” រដ្ឋាភិបាលភូមា ត្រូវតែ ចាត់វិធានការឲ្យមានតម្លាភាព នៅលើព្រឹត្តិការណ៍នានា ដែលបានកើតឡើងនៅរដ្ឋរ៉ាគីន ជាពិសេស ឧប្បត្តិហេតុហិង្សានានារវាងសហគមន៍សាសនា នៅខែមិថុនានិងខែតុលាឆ្នាំ២០១២-“-នេះជាការគូសបញ្ជាក់របស់ Tomas Ojea Quintana នៅពីមុខរដ្ឋចំនួន៤៧ ដែលជាសមាជិករបស់ក្រុមប្រឹក្សាអសបទទួលបន្ទុកសិទ្ធមនុស្ស។
នៅក្នុងរបាយការណ៍នេះដែរ Tomas Ojea Quintana ថែមទាំងបានសុំឲ្យអាជ្ញាធរភូមាចាត់វិធានការនានា ដើម្បី ជួយសម្រួលដល់អង្គការមនុស្សធម៌ ក្នុងការចូលទៅក្នុងរដ្ឋ Kachin។ នៅក្នុងរដ្ឋកាឈីន នេះហើយ ដែល កងទ័ពភូមា បានធ្វើការវាយប្រយុទ្ធគ្នាឡើងវិញជាមួយក្រុមឧទ្ទាមកាឈីន ចាប់តាំងពីខែមិថុនា២០១១ ក្រោយពីបានផ្អាកឈប់បាញ់គ្នាអស់រយៈ១៧ឆ្នាំ ។ សង្គ្រាមនេះ បានជំរុញឲ្យ មានជនភៀសខ្លួនជាច្រើនពាន់នាក់ រត់ចេញពីលំនៅដ្ឋានរបស់ខ្លួន។
មិនតែប៉ុណ្ណោះ លោក Tomas Ojea Quintana ថែមទាំងបានគូសបញ្ជាក់ផងដែរថា « ដំណើរការធ្វើកំណែទម្រង់ដែលផ្តល់សន្ទុះដោយរបបភូមាថ្មីក្រោមការ ដឹកនាំរបស់អតីតឧត្តមសេនីយថេនសេន កំពុងតែបន្តដំណើរនៅលើទិសដៅល្អ ក៏ប៉ុន្តែ ក៏នៅមានគម្លាតគ្នាឆ្ងាយមួយគឺ រវាង កំណែទម្រង់ដែលបានសម្រេចឡើងនិងការ អនុវត្តន៍ជាក់ស្តែងនៃកំណែទម្រង់នេះ៕ដោយ នុយ ប៊ែរណាដែត(RFI)