សម្ថកិច្ចចាប់ក្រុមប្រើប្រាស់ គ្រឿងញៀនស្រីប្រុសបាន ៩នាក់
Cambodia News
ភ្នំពេញ៖ កាលពីវេលាម៉ោង ២០ និង១០ នាទីយប់ថ្ងៃទី១២ ខែមិនា ជនសង្ស័យប្រុសស្រីចំនួន ៩ នាក់ ដែលពាក់ព័ទ្ធនឹងករណីប្រើប្រាស់និងជួញដូរគ្រឿងញៀនត្រូវប៉ូលិស មន្ទីរប្រឆាំងគ្រឿងញៀននៃក្រសួងមហាផ្ទៃដឹកនាំដោយព្រះរាជអាជ្ញារងអម សាលាដំបូងរាជធានីភ្នំពេញ បានធ្វើ ឡោព័ទ្ធចាប់ឃាត់ខ្លួនជនសង្ស័យបានភ្លាមៗនៅចំណុចក្នុងផ្ទះសំណាក់ យីហោសុម៉ានី ក្រុមទី២ ភូមិទ្រា ១ សង្កាត់ស្ទឹងមានជ័យខណ្ឌមានជ័យ។
ជនសង្ស័យដែលត្រូវឃាត់ខ្លួនពាក់ព័ទ្ធទៅនឹងការប្រើប្រាស់នឹងជួញដូរ គ្រឿងញៀនគឺមានចំនួន ៩ នាក់ក្នុងនោះមានស្រីពីរនាក់ ហើយសមត្ថកិច្ចដកហូតបានវត្ថុតាងមួយចំនួនដូចជា ថ្នាំញៀនប្រភេទម៉ា ទឹកកកចំនួន ៤កញ្ចប់តូច នឹងជញ្ជីងថ្លឹងថ្នាំញៀនមួយ ឧបករណ៍ប្រើប្រាស់គ្រឿងញៀន រួមជាមួយទូរស័ព្ទនឹងម៉ូតូបីគ្រឿងផងដែរ។
សមត្ថកិច្ចបានបន្តថាមុនឈានដល់ការព័ទ្ធជនសង្ស័យទាំង៩នាក់ខាងលើនេះ ប៉ូលិសមន្ទីរប្រឆាំងគ្រឿងញៀនក្រសួងមហាផ្ទៃបានធ្វើការតាមដាន តាំងក្នុងកណ្តាលរាជធានីភ្នំពេញរហូតមកដល់ម៉ោងកើតហេតុទើបក្រុម ជនសង្ស័យខាងលើនេះបានជិះម៉ូតូឌុបគ្នាសំដៅចូលទៅក្នុងផ្ទះសំណាក់យីហោ សុម៉ានីដើម្បីធ្វើសកម្មភាពជក់គ្រឿងញៀន ប៉ុន្តែពេលនេះក្រុមសមត្ថកិច្ចក៏បានសម្រុកចូលទៅពាក់ចាប់ជនសង្ស័យ ទាំងនោះបានក្នុងបន្ទប់មួយក្នុងផ្ទះសំណាក់យីហោ សុម៉ានីភ្លាមៗតែម្តង។
ក្រោយការឃាត់ខ្លួនជនសង្ស័យ ត្រូវប៉ូលិសមន្ទីរប្រឆាំងគ្រឿងញៀននាំទៅកាន់ការិយាល័យ ប្រឆាំងបទល្មើសនៃក្រសួងមហាផ្ទៃដើម្បីសាកសួរកសាងសំណុំរឿងបញ្ជូន ខ្លួនពួកគេទៅតុលាការផ្តន្ទាទោសតាមផ្លូវច្បាប់៕ ហេង នាង
