រថយន្ត បុកម៉ូតូបណ្ដាលឲ្យមនុស្សបួននាក់រង របួសធ្ងន់
ភ្នំពេញ៖ កាលពីវេលាម៉ោង២០និង១៥នាទីយប់ ថ្ងៃទី១០ ខែមីនា មានរថយន្តមួយ គ្រឿងបើកទៅ បុកម៉ូតូមួយ គ្រឿងបណ្ដាលឲ្យមនុស្សបួននាក់ត្រូវរង របួសធ្ងន់នៅចំណុចវិថីព្រះនរោត្តម កែងនិងផ្លូវសុធារស ក្នុងសង្កាត់ទន្លេបាសាក់ ខណ្ឌចំការមន។
តាមប្រភពព័ត៌មាននៅកន្លែង កើតហេតុបានឲ្យដឹង ថា រថយន្តបង្កហេតុម៉ាកកាមរីគូទស្វិត ពណ៌ខៀវ ពាក់ស្លាកលេខភ្នំពេញ2A2782បើក បរដោយបុរសពីរនាក់តាមបណ្ដោយផ្លូវ សុធារស ទិសដៅពីកើតទៅលិចក្នុងល្បឿនមធ្យម ក្នុងពេលដែលបើកមកដល់ចំណុចកែងនិងវិថីព្រះនរោត្តម បានបុកម៉ូតូមួយ គ្រឿងម៉ាកសេ១២៥ស៊េរីឆ្នាំ២០១៣ ពណ៌ខ្មៅពាក់ស្លាកលេខភ្នំពេញ1BS7703ជិះគ្នាបី នាក់និងក្មេងតូចម្នាក់ធ្វើដំណើរតាមបណ្ដោយវិថីព្រះនរោត្តមទិសដៅ ពីត្បូងទៅជើងក្នុងល្បឿនមធ្យមបណ្ដាលឲ្យបុរសពីរនាក់បានរង របួសបាក់ជើងស្ត្រីម្នាក់រង របួសបាក់ចង្កេះ និងកូនក្មេង តូចម្នាក់របួសបែក ក្បាល ។
ក្រោយពេលកើតហេតុជនរងគ្រោះត្រូវ បានបញ្ជូន ទៅសង្គ្រោះនៅមន្ទីរពេទ្យ ។ចំណែករថយន្ត បង្កនិងម៉ូតូត្រូវបានសមត្ថកិច្ចនគរបាលមូលដ្ឋានបានចុះធ្វើការវាស់វែងយក ទៅរក្សាទុកនៅអធិការដ្ឋាន នគរបាលខណ្ឌ ចំការមន ដើម្បីចាត់ការតាម ផ្លូវច្បាប់៕ ហេង នាង
