ម៉ូតូបុកជាមួយម៉ូតូ រ៉ឺម៉ក រងរបួសធ្ងន់ធ្ងរ ៤នាក់
ភ្នំពេញ៖ កាលពីវេលាម៉ៅង ២និង១៥នាទីទាបភ្លឺ ថ្ងៃទី០៧ ខែមិនា ឆ្នាំ២០១៣ មានហេតុការណ៍គ្រោះថ្នាក់ចរាចរណ៍មួយបានកើតឡើងនៅចំណុចផ្លូវលេខ ៣២៨ កែងផ្លូវលេខ២០៥ ស្ថិតក្នុងសង្កាត់ទួលស្វាយព្រៃទី២ ខណ្ឌចំការមន រវាងម៉ូតូបុកគ្នាជាមួយរ៉ឺម៉កម៉ូតូ បណ្តាលឲ្យមនុស្សបួននាក់បានរងរបួសយ៉ាងធ្ងន់ធ្ងរ។
តាមការរៀបរាប់របស់បុរសអ្នកបើកបរម៉ូតូរ៉ឺម៉ក ឈ្មោះ សុខ ផាទី អាយ៣២ឆ្នាំ មានទីលំនៅផ្ទះលេខ៥៤ ផ្លូវលេខ២១៧ សង្កាត់ទួលស្វាយព្រៃទី២បាននិយាយថា មុនពេលកើតហេតុរូបគាត់បើកម៉ុតូរ៉ឺម៉កចេញដឹក ម៉ូយនៅម្តុំស្ថានទូតចិន រួមដំណើរជាមួយមិត្តភ័ក្ដិម្នាក់ ធ្វើដំណើរតាមបណ្ដោយផ្លូវលេខ២០៥ ក្នុងទិសដៅពីត្បូងទៅជើង ឆ្ពោះទៅផ្ទះលុះដល់ចំណុចផ្លូវកែងលេខ៣២៨ ក៏ត្រូវអ្នកបើកបរម៉ូតូស្មាសជិះគ្នា២នាក់ បុកវិលរ៉ឺម៉កកង់បីដួលបោកខ្លួនរបួសធ្ងន់ធ្ងរទាំង៤នាក់តែម្តង។
ក្រោយពេលកើតហេតុ អ្នករងរបួសទាំងអស់ត្រូវបានរថយន្តសាមុយដឹកទៅសង្គ្រោះនៅមន្ទីរពេទ្យ៕ ហេង នាង
