ជិះម៉ូតូបុកគូទរថយន្ត ដួលរបួសធ្ងន់ ២នាក់ ស្រាលម្នាក់
ភ្នំពេញ៖ កាលពីវេលាម៉ោង១និង៤០នាទីយប់រំលងអាធ្រាត្រ ឈានចូលថ្ងៃទី០៤ ខែមិនា មានមនុស្ស៣នាក់ ប្រុស២នាក់ ស្រីម្នាក់ បានជិះម៉ូតូ បុករថយន្ត ពីក្រោយបណ្ដាលឲ្យដួលម៉ូតូបោកខ្លួនរងរបួសធ្ងន់២នាក់ ស្រាលម្នាក់ នៅចំណុចផ្លូវព្រះស៊ីសុវត្ថិ ស្ថិតនៅក្នុងផ្សារកណ្តាលទី១ ខណ្ឌដូនពេញ។
ប្រភពពត៌មាននៅកន្លែងកើតហេតុ បាននិយាយថា គ្រោះថ្នាក់ចរាចរណ៍នេះ បណ្ដាលមកពីអ្នកជិះម៉ូតូហ្វីនណូ ឌុបគ្នា៣នាក់ ធ្វើដំណើរតាមបណ្ដោយផ្លូវព្រះស៊ីសុវត្ថិ ក្នុងទិសដៅពីត្បូងទៅជើង ដោយបើកបរប្រដេញគ្នាជាមួយម៉ូតូម៉ាក ស្កូបពីមួយគ្រឿង ជាហេតុបណ្ដាលឲ្យជ្រុលល្បឿនទៅបុកគូទរថយន្តវីសតូ ដែលបើកបរស្របទិសគ្នា បណ្ដាលឲ្យដួលបោកខ្លួនរងរបួសរដូករណែល។
ក្រោយកើតហេតុ សមត្ថកិច្ចបានចុះទៅវាស់វែងយកម៉ូតូទៅរក្សាទុកនៅការិយាល័យជំនាញ ដើម្បីចាត់ការតាមច្បាប់៕ ហេង នាង
