រដ្ឋាភិបាលបានសម្រេចិត្តរុះរើ ព្រះបរមមេរុ
ភ្នំពេញ៖ នៅព្រឹកថ្ងៃទី ១ មីនានេះ រដ្ឋាភិបាលបានសម្រេចិត្តរុះរើ ព្រះបរមមេរុហើយ បន្ទាប់ពីមានបដិវាទមតិ យ៉ាងចម្រូវចម្រាស ពីព្រះមេរុ ដែលមានតម្លៃសាងសង់ ១,២ លានដុល្លាររួចមកនោះ។
ទ្រង់ ស៊ីសុវត្ថិ ធម្មិកោ លេខាផ្ទាល់របស់អតីតព្រះមហាក្សត្រ ធ្លាប់បានមានបន្ទូលថា វាមិនទាក់ទងនឹងតម្លៃច្រើននៃការសាងសង់ព្រះមេរុនោះទេ តែតាមប្រពៃណី មេរុត្រូវតែរុះរើ ចេញ បន្ទាប់ពីធ្វើការបូជា ព្រះសពរួច ។
អតីតព្រះមហាក្សត្រ ព្រះបាទ នរោត្តម សីហនុ ព្រះជន្ម ៩១ ព្រះវស្សា ដែលបានចូលទីវង្គត់នៅមន្ទីរ ពេទ្យទី ក្រុង ប៉េកាំង កាលពីថ្ងៃទី ១៥ តុលា ឆ្នាំ ២០១២ សពរបស់ទ្រង់ត្រូវបានគេបូជាកាលពីល្ងាចថ្ងៃទី ០៤ កុម្ភៈ ឆ្នាំ ២០១៣ ជាអ្វីដែលនាយករដ្ឋមន្ត្រីខ្មែរលោក ហ៊ុន សែន អត្ថាធិប្បាយថា គ្រានោះបានលេចចេញ នូវអព្ភូតហេតុប្លែកៗជាច្រើន ដែលជាបារមីរបស់ទ្រង់ ៕
