ឃើញជនរងគ្រោះ ដេកម្នាក់ឯង ចូលលួចកាបូបលុយ
ភ្នំពេញ៖ កាលពីវេលាម៉ោង ១១ព្រឹកថ្ងៃទី២៦ ខែកុម្ភៈ ចោរលួចកាបូបយួរម្នាក់ ត្រូវ បានជនរងគ្រោះ និង ប្រជាពលរដ្ឋ នៅក្បែរ កន្លែងកើតហេតុ នាំគ្នាចាប់ក្របួចឱ្យសមត្ថ កិច្ច បន្ទាប់ពីរូបគេបានធ្វើសកម្មភាពលួចកា បូបយួរពីជនរងគ្រោះ ខណៈ ដែលជនរងគ្រោះកំពុងដេកតែម្នាក់ឯង នៅ ក្នុងផ្ទះលេខ២៨បេ ផ្លូវលេខ២២២ ក្រុមទី២ សង្កាត់បឹងរាំង ខណ្ឌដូនពេញ ។
ជនសង្ស័យរូប នេះឈ្មោះមុំ សុជា ភេទប្រុស អាយុ២៥ឆ្នាំ មុខរបរជាកម្មករសំណង់ ស្នាក់នៅភូមិដើម ស្លែង សង្កាត់ច្បារអំពៅទី២ ខណ្ឌមានជ័យ ដោយឡែកជនរងគ្រោះឈ្មោះខៀវ ឈឿន ភេទប្រុស អាយុ២៣ឆ្នាំ មុខរបរជាជាងអ៊ុត សក់ ស្នាក់នៅផ្ទះលេខ២៨បេ ផ្លូវលេខ២២២ ជាកន្លែងកើតហេតុនោះ ។
សមត្ថកិច្ចមូលដ្ឋាន បានឲ្យដឹងថា មុនពេលកើត ហេតុជនរងគ្រោះនិងមិត្ដភក្ដិពីរនាក់ទៀត កំពុងដេកនៅក្នុងផ្ទះ ប៉ុន្ដែមិត្ដភក្ដិម្នាក់បាន ចេញទៅផ្ទះម្ដាយរបស់ខ្លួននៅខណ្ឌទួលគោក ដោយទាញទ្វារផ្ទប់ មិនបានដាក់គន្លឹះពេល នោះជនសង្ស័យខាងលើ បានចូលទៅក្នុងបន្ទប់ លួចកាបូបយួរ បំណងរត់គេចខ្លួន ប៉ុន្ដែជនរងគ្រោះ ដឹងទាន់ បានស្រែកឆោឡោ ហើយពេលនោះ ជនសង្ស័យបានទម្លាក់កាបូបចោល រួចរត់ មកដល់ផ្លូវលេខ២៤០ កែងផ្លូវលេខ៦៣ ក៏ ត្រូវជនរងគ្រោះនិងអ្នកជិតខាង ចាប់ខ្លួន ប្រគល់ឱ្យសមត្ថកិច្ច ។
បច្ចុប្បន្នជនសង្ស័យខាងលើត្រូវ បានឃុំខ្លួនជាបណ្ដោះអាសន្ននៅអធិការដ្ឋាន នគរបាលខណ្ឌដូនពេញ ដើម្បីកសាងសំណុំ រឿងបញ្ជូនទៅតុលាការ ៕
