រថយន្តពីរគ្រឿងបើកបុកគ្នាបង្កឲ្យកក់ស្ទុះរាប់ម៉ោង
ភ្នំពេញ ៖ កាលពីវេលាម៉ោង ២០ និង ២០ នាទីយប់ថ្ងៃទី ២០ ខែកុម្ភៈ រថយន្តពីរគ្រឿងបើកប្រជែងគ្នានៅចំណុចស្តុបចំការមនមួយគ្រឿងម៉ាក កុងគឺន័រ នឹងមួយគ្រឿងទៀតម៉ាកកាមរីឆ្លាម នៅតាមបណ្ដោយផ្លូវម៉ៅសេទុង ត្រង់ចំណុចស្តុបចំការមន ស្ថិតក្នុងសង្កាត់ទន្លេបាសាក់ ខណ្ឌចំការមន បណ្តាលឲ្យ រថយន្តកាមរីបណ្ដាលឲ្យរងការខូចខាតមួយផ្នែកតូច។
មុនពេលកើតហេតុគេសង្កេតរថយន្តកុង គឺន័រមួយគ្រឿង ពណ៌ខៀវ ពាក់ស្លាកលេខភ្នំពេញ 3B 3952 បើកតាមបណ្ដោយផ្លូវម៉ៅសេទុង ទិសដៅពីលិចទៅកើតខណៈបើក មកដល់ចំណុចស្តុបចំការមន ក៏បានជ្រុលល្បឿនទៅបុកចំចំហៀងខាងឆ្វេងរថយន្តកាមរីឆ្លាម ពណ៌ស្ករ បណ្ដាលឲ្យរថយន្តកាមរីត្រូវការខូចខាត ។
បន្ទាប់ពីកើតហេតុសមត្ថកិច្ចមូលដ្ឋាននឹងនគរបាលចរាចរណ៍ខណ្ឌចំការមន បានចុះមកអន្តរាគមន៍ដល់ កន្លែងកើតហេតុ ដោយតម្រូវឲ្យភាគីរថយន្តកុងគឺន័រសងសំណងទៅឲ្យភាគីរថយន្តកាមរី ឆ្លាម ដោយមានការ សម្របសម្រួលពីសមត្ថកិច្ចមូលដ្ឋាននោះភាគីរថយន្តបង្កបានធានាចេញសង ថ្លៃខូចខាតឲ្យភាគរថយន្តកាមរីឆ្លាមទាំងអស់ ដើម្បីបញ្ចប់រឿង៕ ហេង នាង
