នៅក្នុងខែមីនា និងខែមេសានេះនឹងមានភ្លៀងកក់ខែធ្លាក់រាយប៉ាយ
ភ្នំពេញ: យោងតាមការវិភាក និងព្យាករណ៍ស្ថានភាពធាតុអាកាស ក្រសួងធនធានទឹក និងឧតុនិយម បានប្រកាសជូនដំណឹងថា នឹងបានបង្ហាញថា នៅក្នុងរដូវប្រាំង «ខែមីនា និងខែមេសា ឆ្នាំ២០១២» នេះ នឹងមានភ្លៀងកក់ខែធ្លាក់រាយប៉ាយ នៅតាមបណ្តារាជធានី-ខេត្ត។ សេចក្តីជូនដំណឹង ចុះថ្ងៃទី ២៩ កុម្ភៈ ២០១២។
រដ្ឋមន្ត្រីក្រសួងធនធានទឹក និងឧតុនិយម លោក លឹម គានហោ បានលើកឡើងថា ក្រសួងធនធានទឹក និងឧតុនិយមសូមធ្វើការកត់សំគាល់ និងបញ្ជាក់ជូនថា នៅពេលមានភ្លៀងកក់ខែនារដូវប្រាំងនេះ ក៏នឹងមានបាតុភូតធម្មជាតិទាំងនេះ អាចនឹងបង្កឲ្យមានការប៉ះពាល់ដល់អាយុជីវិតមនុស្ស សត្វ និងទ្រព្យសម្បត្តិផ្សេងៗ ពិសេសនៅតំបន់ជនបទ៕
