តុលាការសម្រេចឃុំខ្លួនកម្មករ ១៣នាក់នៅពន្ធនាគារព្រៃស
សារព័ត៌មាន Cambodia News /
ភ្នំពេញ៖ កាលពីល្ងាចថ្ងៃទី៤មករា ចៅក្រមតុលាការសាលាដំបូងរាជធានីភ្នំពេញ បានសម្រេចឃុំខ្លួនកម្មករ១៣នាក់ ដែលជាប់ចោទពីបទបាតុកម្មដោយហិង្សា បិទផ្លូវចរាចរ បំផ្លិចបំផ្លាញទ្រព្យសម្បត្តិសាធារណៈ និងទ្រព្យសម្បត្តិឯកជន និងអំពើលួចដោយហិង្សា ដោយបញ្ជូនចេញពីតុលាការ ទៅកាន់ពន្ធនាគារព្រៃស។
សូមបញ្ជាក់ថា ក្រុមកម្មករ១៣នាក់ បានត្រូវសមត្ថកិច្ចការិយាល័យស្រាវជ្រាវបទល្មើសព្រហ្មទណ្ឌនៃទី បញ្ជាការកងរាជអាវុធហត្ថរាជធានី និងនគរបាលព្រហ្មទណ្ឌកម្រិតធ្ងន់រាជធានីភ្នំពេញ ចាប់បញ្ជូនទៅសាលាដំបូងរាជធានី កាលពីព្រឹកថ្ងៃទី៤ ខែមករា ឆ្នាំ២០១៤ ដើម្បីធ្វើការសាកសួរ ពីបទបាតុកម្មដោយហិង្សា បិទផ្លូវចរាចរ បំផ្លិចបំផ្លាញទ្រព្យសម្បត្តិសាធារណៈ និងទ្រព្យសម្បត្តិឯកជន និងអំពើលួចដោយហិង្សា ។
ជនបង្កហិង្សាខាងលើ១-ឈ្មោះ រី ស៊ីនួន ,២-ឈ្មោះហឿន ដា , ៣-ឈ្មោះ ហេង រដ្ឋា ហៅក្តោង ,៤-ឈ្មោះ បោង វណ្ណនី ,៥-ឈ្មោះ ជឿន យ៉ុង ,៦-ឈ្មោះ រស់ សោភ័ណ្ឌ ,៧-ឈ្មោះ ផាង ត្រេន , ៨- បោង សារ៉ាត់ ,៩-ឈ្មោះ ណឹម សុឃួន ,១០-ឈ្មោះ ម៉ម ពិសិដ្ឋ ,១១-ឈ្មោះ យ៉ូន ជា ហៅចាន់ អាយុ ១៧ឆ្នាំ ,១២-ឈ្មោះ ប៊ូ សារិទ្ធ ហៅទ្រី អាយុ២៧ឆ្នាំ និង១៣-ឈ្មោះ ជា សារ៉ាត អាយុ៣៤ឆ្នាំ ៕