មន្ត្រីជំនាញសម្តែងការព្រួយបារម្ភពីការផ្ទុះជំងឺគ្រុនឈាម
ភ្នំពេញ: ខណៈពេលរដូវប្រាំង ចូលមកដល់នៅតែមានកុមារកើតជំងឺ គ្រុនឈាមច្រើនចូលសម្រាកក្នុងមន្ទីរ ពេទ្យ លោកសាស្ត្រាចារ្យ Beat Richner បានសម្តែងការព្រួយបារម្ភអំពីជំងឺនេះ អាចនឹងផ្ទុះទ្បើងម្តងទៀត បន្ទាប់ពីផ្ទុះ កាលពីឆ្នាំ២០១២កន្លងមក។
លោកសាស្ត្រាចារ្យបានបន្តថា ក្នុងរយៈពេលមួយខែ កន្លងមកមានកុមារកើតជំងឺគ្រុនឈាម ចំនួន៦៥០នាក់បានចូលសម្រាកក្នុង មន្ទីរពេទ្យគន្ធបុប្ផានៅរាជធានីភ្នំពេញ និងខេត្តសៀមរាប ។តាមធម្មតានៅរដូវ ប្រាំងករណីជំងឺគ្រុនឈាមមិនសូវមានឬគ្មាន ប៉ុន្តែឆ្នាំនេះនៅតែមានច្រើន ដែលធ្វើឱ្យយើងបារម្ភពីការផ្ទុះជំងឺនេះ ជាថ្មី ។
លោកបន្តថា “ខ្ញុំព្រួយបារម្ភអំពី ជំងឺនេះអាចផ្ទុះទ្បើងនៅក្នុងឆ្នាំ២០១៣ នេះម្តងទៀត ព្រោះកុមារកើតជំងឺនេះ នៅតែមានចំនួនច្រើនបានចូលមក សម្រាកក្នុងមន្ទីរពេទ្យ បើទោះជារដូវ ប្រាំងក៏ដោយ” ។ លោកបន្តថា “តាម ធម្មតារដូវនេះជំងឺ គ្រុនឈាមមិនសូវមានទេ ប៉ុន្តែបើនៅតែមានច្រើនបែបនេះ ជំងឺនេះអាចនឹងផ្ទុះទៀតនៅពេលខាង មុខ”។
ទាក់ទងបញ្ហានេះ ខ្ញុំបានធ្វើលិខិតផ្ញើជូនមន្ទីរសុខាភិបាល គ្រប់ខេត្តក្រុងឱ្យបន្ត និងបង្កើនការប្រុង ប្រយ័ត្នចំពោះការផ្ទុះជំងឺនេះហើយ។ យើងកំពុងបង្កើនការប្រុងប្រយ័ត្ន និង ត្រៀមអាបេតជាស្រេច”៕
