ព្រះមហាក្សត្រ អំពាវនាវដល់ប្រជាពលរដ្ឋ ឲ្យប្រកាន់ភ្ជាប់នូវ គោលការណ៍សាមគ្គីភាព
និងសមាជិក សមាជិកាទាំងអស់ នៃរដ្ឋសភា ដែលបានបំពេញការងារ អស់ពីកម្លាំងកាយចិត្ត ពុំគិតពីការនឿយហត់ ខិតខំយកចិត្តទុកដាក់ ក្នុងការបម្រើប្រជាពលរដ្ឋ និងសង្គមជាតិ ក្នុងវិស្សមកាល កន្លងមកនេះ។
ជាមួយគ្នានេះ ព្រះមហាក្សត្រ ក៏បានកោតសរសើរ សម្តេចតេជោ ហ៊ុន សែន នាយករដ្ឋមន្ត្រី ដែលបានដឹកនាំ រាជរដ្ឋាភិបាលកម្ពុជា ប្រកបដោយភាពរឹងមាំ កសាងសេដ្ឋកិច្ច សង្គម ដើម្បីឆ្ពោះទៅរក ការកាត់បន្ថយភាពក្រីក្រ និងបញ្ហាប្រឈមទាំងឡាយ របស់ប្រទេសជាតិ។
នៅក្នុងព្រះរាជសារ ព្រះមហាក្សត្រ បានបន្តថា កិច្ចខិតខំប្រឹងប្រែងរួមគ្នា រវាងរដ្ឋសភា និងរាជរដ្ឋាភិបាល បានធានាឲ្យមានស្ថិរភាព នយោបាយ និងសង្គម ជាមួយនឹងការគ្រប់គ្រង សេដ្ឋកិច្ច ប្រកបដោយ ភាពត្រឹមត្រូវ និងជឿនលឿន ទាំងនេះបាននាំឲ្យកម្ពុជា សម្រេចបាននៅអត្រាខ្ពស់ នៃកំណើនសេដ្ឋកិច្ចខ្ពស់ ជាបន្តបន្ទាប់។
ជាមួយគ្នានេះ ព្រះមហាក្សត្រ ក៏បានអំពាវនាវដល់ ប្រជាពលរដ្ឋទាំងអស់ ទាំងក្នុង និងក្រៅប្រទេស សូមប្រកាន់ភ្ជាប់នូវ គោលការណ៍សាមគ្គីភាព ដើម្បីរួមគ្នាសំដៅកសាង
និងការពារជាតិ និងសមិទ្ធផលសង្គម៕
