ប្រពន្ធដើមដេញវាយប្រពន្ធចុងផ្អើលពេញភូមិ
ភ្នំពេញ ៖ កាលពីវេលាម៉ោង២និង៣០នាទីរសៀល ថ្ងៃទី១៥ ខែមករា ឆ្នាំ២០១៣ បុរសម្នាក់មានប្រពន្ធ និងកូន៣នាក់ ហើយឆ្លៀតទៅរកស្រីក្មេងរហូតដល់មានកូនមួយទៀត តែប្រពន្ធ ដើមដឹងក៏តាមរករឿងធ្វើឱ្យភ្ញាក់ ផ្អើលដល់នគរបាលប៉ុស្ដិ៍ភ្នំពេញថ្មីក្នុ ងភូមិគោកឃ្លាង សង្កាត់ភ្នំពេញថ្មី ខណ្ឌសែនសុខហៅមកសួរនាំ និងសម្របសម្រួល ។
បុរសជាប្ដីត្រូវបានគេស្គាល់ឈ្មោះ អៀង វ៉ាន់ថេត អាយុ៤៨ឆ្នាំ មុខរបរ បម្រើការងារអង្គភាពអាកាសចរណ៍ អាកាសយានដ្ឋានអន្ដរជាតិពោធិ៍ចិន តុង មានប្រពន្ធឈ្មោះ សុខ ចាន់រី អាយុ ៣៨ឆ្នាំ មុខរបរគួកជេដី រស់នៅជាមួយ គ្នា ក្នុងភូមិឫស្សី សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ។ ចំណែក ស្រីស្នេហ៍ឈ្មោះស្រី ម៉ុច អាយុ២៨ឆ្នាំ មុខរបរមេការហាងយីហោពន្លឺសាម ហុង នៅផ្លូវ២០០៤ ស្នាក់នៅក្នុងសហ គមន៍គោកឃ្លាង សង្កាត់ភ្នំពេញថ្មី ខណ្ឌ សែនសុខ រាជធានីភ្នំពេញ ។
ប្រភពបានបង្ហើបឱ្យដឹងថា នៅ ពេលដែលប្ដីស្ដ្រីទាំង២នាក់នោះមកដល់ ប៉ុស្ដិ៍ភ្នំពេញថ្មី ប្ដីនោះឆ្លើយថា គាត់យក ទាំង២នាក់ មិនលែងមួយណានោះឡើយ ពីព្រោះបើចង់លែងលះទាល់តែទៅដល់ តុលាការ នាំវែងឆ្ងាយ ដូច្នេះយកទាំង២ តែម្ដងព្រោះគាត់អាណិតកូន ។ ចម្លើយនេះ មិនត្រូវបាននគរបាល ប៉ុស្ដិ៍ទឹកថ្លាមានចំណាត់ការបែបណា នោះទេ ខណៈច្បាប់ឯកពន្ធភាពចូលជា ធរមានទៅហើយនោះ៕
