បុរសម្នាក់ត្រូវសម្ថកិច្ចឃាត់ខ្លួនពីបទលួចទូរសព័្ទអាយហ្វូន
ភ្នំពេញ ៖ កាលពី ថ្ងៃទី១៣ ខែមករា ឆ្នាំ ២០១៣ វេលាម៉ោង១៤ និង២០នាទី អតីតចុងភៅ នៅហាងជួបគ្នាសំលាញ់ នៅចំណុចផ្ទះលក់បាយ លេខ២២ ផ្លូវលេខ៥៩៨ ភូមិសេប៉េសេ សង្កាត់ទឹកថ្លា ខណ្ឌសែនសុខ ត្រូវសមត្ថកិច្ចឃាត់ខ្លួន តាមបណ្ដឹងរបស់ ជនរងគ្រោះ ពីបទលួច ទូរស័ព្ទដៃ ម៉ាកអាយហ្វូន។
នាយផ្នែក ព្រហ្មទណ្ឌនគរបាល ខណ្ឌសែនសុខ បានបញ្ជាក់អោយដឹងថា បុរសឈ្មោះ ងួន សុខផល អាយុ៣៦ឆ្នាំ មានមុខរបរ ជាចុងភៅ ក្នុងហាងផឹកស៊ី ត្រូវបានចាប់ខ្លួន
លោក យឹម ដាវុធ នាយផ្នែកព្រហ្មទណ្ឌ បានបញ្ជាក់ទៀតថា មុនពេលកើតហេតុ ជនរងគ្រោះ កំពុងលក់បាយ ហើយយក ទូរស័ព្ទដៃ របស់ខ្លួនទៅទុក លើទូរទស្សន៍ ក្នុងផ្ទះលក់បាយស្រប ពេលនោះជនសង្ស័យ បានចូលមកទិញបាយ រួចក៏លួចយកទូរស័ព្ទ នោះទៅបាត់។ ដោយមាន ការសង្ស័យ ជនរងគ្រោះ បានប្ដឹងសមត្ថកិច្ច អោយឃាត់ខ្លួនតែម្ដង ។
ក្រោយការសាកសួរជនសង្ស័យរូបនេះបាន សារភាពថា ពិតជាបានលួចយក ទូរស័ព្ទដៃនោះ មែន បច្ចុប្បន្នសមត្ថកិច្ច បាននិងកំពុងសំណុំរឿងបញ្ជូន ទៅសាលាដំបូងរាជធានីភ្នំពេញ ដើម្បីចាត់ការតាម នីតិវិធីច្បាប់៕
ដោយ៖ ហេង នាង
