អូស្រ្តាលីថាមិនទាន់ឈានដល់ការដែលត្រូវបំពាក់អាវុធដល់ទ័ពបះបោរនៅស៊ីរីទេ
រដ្ឋមន្រ្តីការបរទេសអូស្រ្តាលី លោក Bob Carr នៅតែបដិសេធថា ចំពោះចេតនារបស់អតីតរដ្ឋមន្រ្តីការបរទេស លោក Kevin Rudd ដែលចង់ពិចារណាអំពីការបំពាក់អាវុធដល់កងកម្លាំងបះបោរនៅប្រទេស ស៊ីរី។
លោក Kevin Rudd មានប្រសាសន៍ថា គួរតែមានជម្រើសខ្លះៗដើម្បីសង្គ្រោះអាយុជីវិតមនុស្ស។
លោក Bob Carr មានប្រសាសន៍ថា លោក Kevin Rudd មានសិទ្ធិក្នុងការផ្ដល់មតិយោបល់លើគោលនយោបាយការបរទេស ប៉ុន្តែលោកនឹងមិនអនុវត្តតាមការឲ្យយោបល់របស់លោក Rudd ទេ។
We’re not at that point. I can’t see us getting to that point soon. Our immediate priority is to get an agreement between the warring factions in the Syrian civil war but they should protect medical personnel, not block access to hospitals and doctors and not attack medical facilities.
លោក Bob Carr មានប្រសាសន៍ថា យើងមិនទាន់ឈានដល់ដំណាក់កាលនោះនៅឡើយទេ។ ខ្ញុំមិនអាចមើលឃើញថាយើងឈានទៅដល់ចំណុចនោះក្នុងពេលដ៏ឆាប់នោះ ទេ។ អាទិភាពចំពោះមុខរបស់យើងគឺការសម្រេចបាននូវកិច្ចព្រមព្រៀងរវាង ភាគីជម្លោះក្នុងសង្គ្រាមស៊ីវិលរបស់ស៊ីរី ប៉ុន្តែពួកគេគួរតែការពារបុគ្គលិកពេទ្យ ដោយមិនត្រូវរារាំងការចូលទៅមន្ទីរពេទ្យនិងទៅជួបគ្រូពេទ្យ ហើយមិនត្រូវបើកការវាយប្រហារទៅលើទីតាំងផ្ដល់ការព្យាបាលនោះទេ៕ (Radio Australia)